नुसतं नाव ऐकून तोंडाला पाणी सुटेल, सोप्या पद्धतीत बनवा नाचणीचे पौष्टिक चिप्स

नाचणीचे चिप्स बनवण्यासाठी लागणारे साहित्य:

• २ वाटी नाचणीचं पीठ
• १/२ वाटी गव्हाचं पीठ
• १ चमचा लाल मिरची पावडर
• १ चमचा चाट मसाला
• मीठ चवीनुसार
• पाणी (पिठ मळण्यासाठी)
• तेल
• मायक्रोवेव्ह
• बेकिंग ट्रे

नाचणीचे चिप्स बनवण्याची कृती:

हेही वाचा: अवघ्या काही मिनिटांत बनवा काबुली चन्याचे कबाब; वाचा साहित्य आणि कृती

• सर्वातआधी एका भांड्यात नाचणीचे पीठ, गव्हाचे पीठ, मीठ, लाल मिरची पावडर, एक चमचा तेल टाकून पाण्याने मळून घ्या.
• मळलेल्या पीठाला काही मिनिट झाकून ठेवा.
• ठराविक मिनिटानंतर मळलेल्या पीठाचे लहान-लहान गोळे करून घ्या.
• आता ते गोळे चपाती प्रमाणे लाटून घ्या आणि चाकूच्या मदतीने त्याचे शंकरपाळी प्रमाणे काप करा.
• एका ब्रशच्या मदतीने कापलेल्या कापांवर तेल लावून घ्या.
• आता, मायक्रोवेव्ह १८० अंश सेंटीग्रेडवर १० मिनिट प्री-हीट करून बेकिंग ट्रेला ग्रीस करू त्यावर कापलेले सर्व काप बेक करा.
• पहिले ७-८ मिनिटे एका बाजूने बेक करून घ्या आता मायक्रोवेव्ह उघडून दुसऱ्या बाजूने ७-८ मिनिट बेक करून घ्या. वेळ पूर्ण झाल्यानंतर मायक्रोवेव्ह बंद करून ठेवा.
• तयार नाचणीचे काप मसाल्याबरोबर मिक्स करून त्याचा आस्वाद घ्या.