मुलांच्या डब्यासाठी झटपट बनवा पौष्टिक रवा ऑम्लेट; पटकन वाचा साहित्य आणि कृती

रवा ऑम्लेट बनवण्यासाठी लागणारे साहित्य:

• ३ कप दही
• ३ कप रवा
• ८-९ कडीपत्त्याची पाने
• पाव चमचा हळद
• ५-६ मिरच्या चिरलेल्या
• चवीनुसार मीठ
• तेल आवश्यकतेनुसार

रवा ऑम्लेट बनवण्यासाठी कृती:

• सर्वात आधी रवा आणि दही एकत्र करुन घ्या.
• त्यानंतर हे मिश्रण घट्ट असल्यास त्यात थोडे पाणी घालून पुन्हा एकदा चांगले एकजीव करुन घ्यावे.
• आता एका भांड्यात तेल घालून त्यात मिरची, कडीपत्ता आणि हळद घालून ही तयार फोडणी त्या मिश्रणात घालावी.
• त्यानंतर हे सर्व मिश्रण एकत्र करुन घ्यावे.
• नंतर एका पॅनमध्ये थोडे तेल घालून त्यात ते मिश्रण ऑम्लेट सारखे भाजून घ्यावे.
• तयार गरमागरम रवा ऑम्लेट सॉससोबत सर्व्ह करा.