मटार कटलेटची झटपट होणारी सोपी रेसिपी नक्की ट्राय करा; पटकन वाचा साहित्य आणि कृती

मटार कटलेट बनवण्यासाठी लागणारे साहित्य:

• २ वाटी मटार
• २ वाटी मका
• १-२ उकडलेले बटाटे
• १/२ वाटी भिजवलेले पोहे
• २ चमचा आल-लसूण पेस्ट
• १/२ वाटी रवा
• ३-४ मिरच्या
• कोथिंबीर
• मीठ चवीनुसार
• तेल आवश्यकतेनुसार

हेही वाचा: नुसतं नाव ऐकून तोंडाला पाणी सुटेल, सोप्या पद्धतीत बनवा नाचणीचे पौष्टिक चिप्स

मटार कटलेट बनवण्याची कृती:

• सर्वप्रथम मटार आणि मका पाण्यात उकळवून घ्या आणि यानंतर मटार आणि मका मिक्सरमध्ये बारीक वाटून घ्या.
• आता एका प्लेटमध्ये मटार, मका, उकडलेला बटाटा, आलं-लसूण पेस्ट, भिजवलेले पोहे, चिरलेली कोथिंबीर एकजीव करून घ्या.
• तयार मिश्रणाचे कटलेटच्या आकारात गोळे तयार करून घ्या आणि पॅनमध्ये तेल गरम करण्यास ठेवावे.
• त्यानंतर गरम तेलात कटलेट रव्यात घोळवून शॅलो फ्राय करून घ्या.
• तयार गरमा गरम मटार कटलेट सॉसबरोबर सर्व्ह करा.