Rice Cutlet Recipe : अनेकदा शिळ्या भाताचं काय करावं, हे कळत नाही पण आज आम्ही तुम्हाला शिळ्या भातापासून बनवता येणारी एक हटके रेसिपी सांगणार आहोत. शिळ्या भातापासून तुम्ही स्वादिष्ट कटलेट बनवू शकता. हे राइस कटलेट इतके चविष्ट असतात की तुम्हाला पुन्हा पुन्हा खावे, असे वाटेल. चला तर ही सोपी रेसिपी जाणून घ्या.
साहित्य
बारीक चिरलेला कांदा
बारीक चिरलेली शिमला मिरची
उकळलेले बटाटे
आलं लणसाची पेस्ट
लाल मिरची पावडर
हळद
धनेपुड
जिरे
बेसन
शिजलेला भात
कोथिंबीर
हेही वाचा : Pav Bhaji : अशी बनवा घरच्या घरी हॉटेलसारखी स्वादिष्ट पावभाजी, लगेच नोट करा रेसिपी
कृती
शिजलेल्या भातामध्ये बारीक चिरलेला कांदा, बारीक चिरलेली शिमला मिरची, आलं लणसाची पेस्ट आणि बारीक चिरलेली कोथिंबीर टाकावी.
त्यात हळद, लाल मिरची पावडर, धनेपुड आणि जिरे टाका.
सर्व मिश्रण एकत्र करा.
त्यात उकळलेले बटाटे बारीक किसून टाका.
चवीनुसार त्यात मीठ घाला.
सर्व मिश्रण पुन्हा एकदा मिक्स करा.
त्यात थोडं बेसन घाला.
कटलेटचं मिश्रण तयार होईल.
तुमच्या आवडीनुसार कटलेट्सला आकार द्या.
कटलेट्स गरम तेलातून मंद आचेवर तळून घ्या.