Airtel Becomes First Company To Launch 5G Services In India | Loksatta

5G Launch In India: एअरटेल भारतात 5G सेवा सुरू करणारी पहिली कंपनी! आजपासून आठ शहरात सेवा मिळणार…

दूरसंचार कंपनी भारती एअरटेलने आजपासून भारतातील आठ शहरांमध्ये 5G सेवा सुरु करण्याची घोषणा केली आहे. यामुळे देशात 5G सेवा सादर करणारी एअरटेल ही पहिली कंपनी ठरली आहे.

5G Launch In India: एअरटेल भारतात 5G सेवा सुरू करणारी पहिली कंपनी! आजपासून आठ शहरात सेवा मिळणार…
एअरटेल भारतात 5G सेवा सुरू करणारी पहिली कंपनी ठरली. (File Photo)

पंतप्रधान नरेंद्र मोदी यांच्या हस्ते आज इंडिया मोबाईल काँग्रेस कार्यक्रमात 5G इंटरनेट सेवेचा शुभारंभ करण्यात आला आहे. 5G इंटरनेट सेवेमुळे भारताला मोठा फायदा होणार आहे. भारतामध्ये रिलायन्स जीओ आणि एअरटेल यांसारख्या टेलिकॉम कंपन्या 5G इंटरनेट सेवा देण्यासाठी सज्ज आहेत. सुरुवातीला भारतामधील प्रमुख १३ शहरांमध्ये 5G सेवा सुरु होणार असून यांत राज्यातील दोन प्रमुख शहर म्हणजेच मुंबई आणि पुणे या दोन शहरांचा समावेश आहे. आता आघाडीची दूरसंचार कंपनी भारती एअरटेलने आजपासून भारतातील आठ शहरांमध्ये 5G सेवा सुरु करण्याची घोषणा केली आहे. यामुळे देशात 5G सेवा सादर करणारी एअरटेल ही पहिली कंपनी ठरली आहे.

भारती एअरटेलचे अध्यक्ष सुनील मित्तल यांनी सांगितले की, आजपासून म्हणजेच १ ऑक्टोबर २०२२ भारतात एअरटेल 5जी लाँच होणार आहे. कंपनीने अद्याप सर्व आठ शहरांची नावे उघड केलेले नाहीत, परंतु दिल्ली, मुंबई, वाराणसी आणि बंगळुरू हे त्यापैकी काही शहरे असल्याचे त्यांनी नमूद केले. तसेच, एअरटेलची मार्च २०२३ पर्यंत अनेक शहरांमध्ये आणि २०२४ पर्यंत संपूर्ण भारतात 5G सेवा सुरू करण्याची योजना असल्याचेही त्यांनी सांगितले.

कंपनीच्या एका वरिष्ठ अधिकाऱ्याच्या म्हणण्यानुसार, एअरटेल 5G सेवा सध्याच्या 4G दरांवर उपलब्ध असेल आणि 5G साठी नवीन दर काही काळानंतर जाहीर केले जातील. चेन्नई, हैदराबाद आणि सिलीगुडी येथेही 5G सेवा सुरू केल्या जात आहेत.

आणखी वाचा : 5G Launch In India: Jio कितीमध्ये देणार सेवा, मुकेश अंबानी म्हणाले…

5G चा वेग किती असेल?

मोबाइल डेटाच्या बाबतीत, 5G नेटवर्क तुम्हाला 4G नेटवर्कपेक्षा दुप्पट गती देईल. व्हिडीओ आणि चित्रपट आता काही सेकंदात तुमच्या फोनवर डाउनलोड केले जातील. 4G मध्ये ग्राहकांना जास्तीत जास्त 100mbps स्पीड मिळतो, पण 5G मध्ये हा स्पीड 10Gbps पर्यंत जाऊ शकतो.

 

 

मराठीतील सर्व तंत्रज्ञान ( Tech ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Pakistan Twitter Account Withheld In India: पाकिस्तान सरकारच्या ट्विटर अकाउंटला भारतात स्थगिती

संबंधित बातम्या

विश्लेषण: हॅकर्स तुमच्या ब्लूटूथ उपकरणांद्वारे डेटा कसा चोरतात? ‘ब्लूबगिंग’ हॅकिंग तंत्र नेमकं आहे तरी काय?
अमेझॉनवर बजेट इअरबड्स उपलब्ध, किंमत १ हजारांच्या आत, १० तासांपेक्षा अधिक प्लेटाईम, पाहा यादी
विश्लेषण: AIIMS चा सर्व्हर हॅक करून मागितली २०० कोटींची खंडणी, रॅन्समवेअर कुणावरही करू शकतो हल्ला! कसा कराल बचाव?
१ कोटी ९० लाखांहून अधिक व्हॉट्सॲप अकाऊंट ब्लॉक! जाणून घ्या काय आहे कारण
रोबोटने केवळ इतक्या सेकंदात पार केले १०० मीटर अंतर, गिनीज बूकमध्ये नोंद, पाहा व्हिडिओ

व्हिडिओ

ताज्या बातम्या
Video: भयंकर! चालत्या बसमध्ये चालकाला आला हार्ट अटॅक; नियंत्रण सुटल्याने बस प्रत्येकाला उडवत सुटली अन…
‘या’ सवयींमुळे वाढू शकतो मधुमेह होण्याचा धोका; वेळीच व्हा सावध
पुणे: कमी पटसंख्येच्या शाळा बंद नाही करण्यात येणार नाही; शिक्षण आयुक्त सूरज मांढरे यांची स्पष्टोक्ती
Exclusive Video : गोष्ट पुण्याची भाग- ५८ : हजारो वर्षांपूर्वी भारतात आलेल्या बेनेइस्राइल समाजाचे प्रार्थनालय
तुमच्या आडनावाचा महाराष्ट्राशी संबंध आहे का? अनुपम खेर यांनी उत्तर देत सांगितला ‘खेर’चा इतिहास, म्हणाले, “गाढव…”