पंतप्रधान नरेंद्र मोदी यांनी देशात 5G सेवा सुरू केली आहे. या 5G सेवेमुळे युजर्सला एक जबरदस्त इंटरनेट स्पीड मिळणार आहे. त्यानंतर युजर्सला इंटरनेटवर काम करत असताना जास्त त्रास होणार नाही. हायस्पीड इंटरनेटमुळे लोक 5G सेवेची सर्वाधिक वाट पाहत होते आणि आता लोक या सेवेचा लाभ घेऊ शकणार आहेत. या 5G सेवेमुळे बऱ्याच गोष्टी बदलणार आहेत. यात गेमिंग उद्यागाचाही समावेश आहे. 5G तंत्रज्ञानासह, एंट्री-लेव्हल 5G मोबाईल फोनसह गेमर आता हाय-एंड गेम खेळण्याचा आनंद घेऊ शकतील. हाय-ग्राफिक्स/हाय-एंड गेम्स कोणत्याही मोबाईल, लॅपटॉप, पीसी आणि जीओ सेट टॉप बॉक्सवर खेळता येतात. रिलायन्स जीओने प्रगती मैदान, दिल्ली येथे सुरू असलेल्या इंडिया-मोबाईल-काँग्रेसमध्ये या क्लाउड गेमिंग तंत्रज्ञानाचे प्रदर्शनही केले आहे. हे सर्व जीओच्या क्लाउड गेमिंग तंत्रज्ञानाद्वारे शक्य होणार आहे. जीओच्या क्लाउड गेमिंग तंत्रज्ञानामुळे देशात ई-स्पोर्ट्सला चालना मिळेल, अशी अपेक्षा आहे. मोबाईलवर आंतरराष्ट्रीय गेमिंग स्पर्धांचा सराव भारतीय व्यावसायिक गेमर्सना आता आंतरराष्ट्रीय खेळाडूंप्रमाणे उच्च गती आणि कमी विलंब मिळेल. ते त्यांच्या मोबाईलवर आंतरराष्ट्रीय गेमिंग स्पर्धांचा सराव करू शकतील. सराव जास्त झाला तर आंतरराष्ट्रीय क्रमवारीतही सुधारणा होईल आणि सर्वात चांगली गोष्ट म्हणजे यासाठी त्यांना फायबर किंवा समर्पित लीज लाइन्सची आवश्यकता राहणार नाही. आणखी वाचा: JioFiber Plans : जिओ ग्राहकांसाठी खुशखबर! ‘या’ ऑफर्सवर मिळवा ४,५०० रुपयांचा फायदा चा ग्राफिक्स आणि अॅनिमेशनची पातळी वाढणार 5G चा पिंग रेट किंवा लेटन्सी रेट 4G पेक्षा खूपच कमी आहे, त्यामुळे प्रोफेशनल गेमर एकाच वेळी अनेक कमांडसह अनेक स्क्रीन ऑपरेट करू शकतात. 5G च्या आगमनाने, स्पीड तर वाढेलच पण गेममध्ये वापरल्या जाणार्‍या ग्राफिक्स आणि अॅनिमेशनची पातळीही अनेक पटींनी वाढेल. गेमिंगमध्ये जोडले जाणारे आणखी एक मनोरंजक परिमाण म्हणजे 'गेम लाइव्ह स्ट्रीमिंग' आणि 'लाइव्ह कॉमेंटरी'. रिलायन्स जिओच्या या तंत्रज्ञानाद्वारे गेम खेळण्यासोबतच आता त्याचे थेट प्रक्षेपण 'जीओ गेम वॉच'वर करता येणार आहे. यामुळे भारतीय ई-स्पोर्ट्समध्ये प्राण फुंकतील. लाइव्ह कॉमेंट्री जीओ गेम वॉचवर गेमिंग स्क्रीनच्या टेलिकास्टसह, गेमर्स लाइव्ह कॉमेंट्रीमध्येही त्यांचा हात आजमावू शकतात. अनेक लोक त्यांच्या समालोचनासह त्यांच्या स्वतःच्या चॅनेलवर एकाच वेळी एकाच गेमचे थेट प्रसारण करण्यास सक्षम असतील. क्रिकेटसारखी समालोचन केल्याने भारतात ई-स्पोर्ट्स हवे असलेल्या लोकांची संख्याही वाढेल. हे तंत्रज्ञान व्यावसायिक गेमर तसेच ई-क्रीडाप्रेमींना आकर्षित करेल.
