जून संपत आला आहे. पण पुढच्या महिन्यात अनेक दमदार स्मार्टफोन लॉंच होऊ शकतात. Nothing Phone (1) पासून ते Asus ROG 6 आणि OnePlus स्मार्टफोन पुढील महिन्यात लॉंच होण्याबाबत माहिती समोर येत आहे. जुलै २०२२ मध्ये कोण-कोणते स्मार्टफोन बाजारात येऊ शकतात, जाणून घ्या.

या बातमीसह सर्व प्रीमियम कंटेंट वाचण्यासाठी साइन-इन करा

सर्व स्मार्टफोन्सची अधिकृत लॉंचची तारीख अद्याप समोर आलेली नाही. पण लीक आणि अनेक रिपोर्ट्समध्ये असे कळले आहे की, हे फोन पुढील महिन्यात बाजारात दाखल होतील.

Nothing phone (1)
कार्ल पेईचा स्टार्टअप नथिंग हा स्मार्टफोन पुढील महिन्यात लॉंच करणार आहे. गेल्या अनेक आठवड्यांपासून नथिंग फोन (1) ची माहिती सातत्याने समोर येत होती. प्री-बुकिंग इन्वाइटद्वारे लॉंच होण्यापूर्वी फोनची प्री-बुकिंग सुरू झाली आहे. कंपनीने नथिंग फोन (1) चे डिझाईन जारी केले आहे. हा हँडसेट नवीन NothingOS स्किनसह लॉंच केला जाईल, असे कंपनीने म्हटले आहे.

फोनच्या बहुतेक फीचर्सबद्दल सध्या कोणतीही माहिती नाही. नथिंग फोन (1) क्वालकॉम स्नॅपड्रॅगन 778G+ प्रोसेसरसह लॉंच होण्याची अपेक्षा आहे. फोनच्या मागील बाजूस ड्युअल कॅमेरा सेटअप असू शकतो. हा फोन १२ जुलै रोजी लॉंच होईल.

Asus ROG Phone 6
कंपनीने Asus Rog फोन सीरिजमध्ये अनेक पॉवरफुल फोन लॉंच केले आहेत. विशेषत: गेमर्स आणि पॉवर युजर्सना लक्षात घेऊन ROG फोन सीरीज केवळ प्रीमियम फीचर्सच देत नाही तर अनेक गेमिंग फीचर्स आणि अॅक्सेसरीज मिळणार आहेत. आता कंपनी ROG Phone 6 Qualcomm Snapdragon 8+ Gen 1 चिपसेट सह लॉंच केला जाऊ शकतो.

Asus ROG फोन ६ मध्ये ड्युअल चार्जिंग पोर्ट, सेकेंडरी एलईडी डिस्प्ले देण्यात आला आहे. याशिवाय फोनमध्ये अनेक फर्स्ट-पार्टी गेमिंग अॅक्सेसरीज मिळतील. उदा. गेमिंग कंट्रोलर, कूलिंग पॅड आणि सेकंडरी डिस्प्ले सपोर्ट. हा फोन ५ जुलै रोजी लॉंच होऊ शकतो.

Xiaomi 12 Ultra
Xiaomi पुढील महिन्यात Xiaomi 12 Ultra हा 12 सीरीजचा सर्वात पॉवरफुल फोन लॉंच करू शकतं. Asus ROG Phone 6 प्रमाणे, Xiaomi 12 Ultra Qualcomm Snapdragon 8+ Gen 1 चिपसेटसह लॉंच केला जाऊ शकतो. Xiaomi ने जर्मनी-आधारित कॅमेरा मेकर Leica च्या भागीदारीत विकसित केलेला सुधारित रियर कॅमेरा या फोनमध्ये असेल अशी अपेक्षा आहे.

Xiaomi 12 Ultra स्मार्टफोनमध्ये मागील बाजूस एक अनोखी रचना आढळेल. कंपनीने अद्याप हँडसेटच्या लॉंचची तारखेवर खात्रीशीर माहिती दिलेली नाही. पण लीक झालेल्या रिपोर्ट्सनुसार हा फोन अधिकृतपणे जुलैमध्ये लॉंच केला जाऊ शकतो.

आणखी वाचा : पहिल्यांदाच अशी ऑफर! Xiaomi ५० इंचाचा 4K अल्ट्रा HD Android TV वर ८ हजार रूपयांचा डिस्काउंट

OnePlus Nord 2T
OnePlus Nord 2T भारतात लॉंच होईल अशी अपेक्षा नव्हती. पण आता नवीन रिपोर्ट्स समोर आले आहेत, त्यानुसार नॉर्ड-सीरीजचा नवीन स्मार्टफोन Nord 2 5G नावाने देशात लॉंच केला जाऊ शकतो. जर आपण फोनच्या इंटरनॅशनल व्हेरिएंटवर नजर टाकली तर OnePlus Nord 2T भारतात मीडियाटेक डायमेंशन 1300 चिपसेट सह लॉंच केला जाऊ शकतो.

OnePlus Nord 2T मध्ये आंतरराष्ट्रीय प्रकाराप्रमाणेच सर्व फीचर्स असण्याची अपेक्षा आहे. फोनमध्ये ६.४३ इंचाची AMOLED स्क्रीन, ५० मेगापिक्सेल ट्रिपल रिअर कॅमेरा सेटअप आहे. फोनमध्ये ३२ मेगापिक्सेल फ्रंट कॅमेरा आणि ४५०० mAh बॅटरी असू शकते जी ८० W वायर्ड फास्ट चार्जिंगसह येईल. लीकनुसार हा फोन १ जुलै रोजी लॉंच होण्याची शक्यता आहे.

Realme GT 2 Master Edition
Realme देखील Snapdragon 8+ Gen 1 चिपसेटसह पहिला स्मार्टफोन लॉंच करण्याच्या शर्यतीत आहे. रिअ‍ॅलिटीचा आगामी स्मार्टफोन Realme GT 2 Master Edition नावाच्या नवीन फ्लॅगशिप चिपसेटसह लॉंच केला जाऊ शकतो. नुकतेच गीकबेंच वर एक डिव्हाईस दिसले ज्यामध्ये १२ GB RAM आणि Android 12 सारखी फीचर्स असू शकतात.

याशिवाय Reality G2 Master Edition मध्ये ६.७ इंचाचा १२० Hz AMOLED डिस्प्ले असू शकतो. हँडसेटमध्ये ५० मेगापिक्सल, ५० मेगापिक्सल आणि २ मेगापिक्सल्सचे ट्रिपल रिअर कॅमेरे दिले जाऊ शकतात. फोनमध्ये १५० W फास्ट चार्जिंगसह ५००० mAh बॅटरी असू शकते. जुलैमध्ये होणाऱ्या लॉंच इव्हेंटमध्ये याबाबत अधिक माहिती मिळण्याची शक्यता आहे.

आणखी वाचा : तुमच्या फोनमधून हे १७ धोकादायक Apps ताबडतोब डिलीट करा, पूर्ण यादी पाहा

iQOO 10 Pro
iQOO 9 Pro फीचर्ससह येणारा एक पॉवरफुल आणि प्रीमियम फोन आहे. आता iQOO त्याचे ९ सीरीजचे अपग्रेड केलेले फोन iQOO 10 आणि iQOO 10 Pro स्मार्टफोन लॉंच करेल अशी अपेक्षा आहे.

iQOO 10 Pro स्मार्टफोन Qualcomm Snapdragon 88+ Gen 1 चिपसेटद्वारे समर्थित असू शकतो. फोनमध्ये १२० Hz QHD + LTPO स्क्रीन असू शकते. हँडसेट ५० मेगापिक्सेल ट्रिपल कॅमेरा सेटअप आणि २०० W फास्ट चार्जिंगसह येईल. ४५०० mAh बॅटरी दिली जाऊ शकते. लीकनुसार, iQOO 10 सीरीज जुलैमध्ये लॉंच होण्याची शक्यता आहे, तरीही कंपनीने अद्याप कोणतीही माहिती दिलेली नाही.

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Most anticipated powerful phones expected to launch in july 2022 nothing oneplus realme asus iqoo prp
First published on: 25-06-2022 at 22:54 IST