टाटा, अंबानी आणि एलॉन मस्क यांचा जिम लूक व्हायरल; अभिनेत्यांना लाजवतील हे अंदाज, काय आहे नेमके प्रकरण?

AI म्हणजेच आर्टिफिशल इंटेलिजन्स या क्षेत्रामध्ये गेल्या काही महिन्यांमध्ये मोठी क्रांती झाल्याचे पाहायला मिळते. या नव्या तंत्राच्या मदतीने अशक्य वाटणाऱ्या गोष्टी शक्य होताना दिसत आहेत. AI च्या मदतीने कलाकार डिजिटल माध्यमामध्ये काम करत कलाकृती तयार करत आहेत. सोशल मीडियावर सध्या असे अनेक फोटो व्हायरल होत आहेत. या फोटोंमध्ये अनेक ऐतिहासिक जागा, महत्त्वपूर्ण लोकांचा समावेश असल्याचे दिसते. अगदी खरे वाटणारे फोटो या तंत्राद्वारे बनवले जात आहे. काही दिवसांपूर्वी ताजमहाल या जगातील सात आश्चर्यांपैकी एक असलेल्या आश्चर्याच्या निर्मितीदरम्यानचा फोटो सोशल मीडियावर व्हायरल झाला होता. आता एका आर्टिस्टने श्रीमंत लोक जीममध्ये गेल्यावर कसे दिसतात हे AI च्या मदतीने दाखवले आहे.