रिलायन्स जिओ देशातील सर्वात मोठी टेलिकॉम कंपनी आहे. जिओने देशामध्ये सर्वात पहिल्यांदा ५जी नेटवर्कची सुरूवात केली आहे. तसेच जिओ आपल्या प्रीपेड आणि पोस्टपेड ग्राहकांसाठी अनेक प्लॅन्स लॉन्च करत असते. ज्यामध्ये वापरकर्त्यांना अनेक प्रकारचे फायदे मिळतात. रिलायन्स जिओ आपल्या वापरकर्त्यांना २८ दिवसांसाठी JioSaavn Pro चे मोफत सबस्क्रिप्शन देत आहे. काही दिवसांपूर्वी कंपनीने मोफत जिओ सावन प्रो सबस्क्रिशनसह अनेक प्रीपेड प्लॅन्स लॉन्च केले आहेत.
जर का तुम्हाला जिओ सावन प्रो चे सबस्क्रिप्शन खरेदी करायचे असल्यास तुम्ही जिओच्या एका प्रीपेड प्लॅनची खरेदी करू शकता. जो आधीपासूनच अनेक फायद्यांसह येतो. तुम्हाला स्वतंत्रपणे जिओ सावन प्रो चे सबस्क्रिप्शन हवे असेल तर तुम्ही ३० किंवा ३६५ दिवसांसाठी ९९ रूपये किंवा ७४९ रूपयांमध्ये मिळवू शकता. याबाबतचे वृत्त telecomtalk ने दिले आहे.
जिओसावन हे एक ऑनलाइन म्युझिक स्ट्रीमिंग प्लॅटफॉर्म आहे. जे वापरकर्त्यांना अनेक डिव्हाइसेसवरून त्यांची प्रोफाइल अ‍ॅक्सेस करण्याची परवानगी देते. तसेच ऑफलाइन डाउनलोड करण्याची देखील परवानगी देते. रिलायन्स जिओच्या प्रीपेड प्लॅनबद्दल जाणून घेऊयात. ज्यात २८ दिवसांची वैधता जिओसावन प्रो आणि ४२ जीबी डेटा देखील मिळतो.
रिलायन्स जीओचा २६९ रूपयांचा प्लॅन
रिलायन्स जिओच्या २६९ रूपयांच्या प्लॅनमध्ये मोफत जिओसावन प्रो चे सबस्क्रिप्शन मिळते. तसेच वापरकर्त्यांना या प्लॅनमध्ये ४२ जीबी डेटा मिळतो. या प्लॅनची वैधता २८ दिवस इतकी आहे. जिओ सावन प्रो च्या मोफत सब्स्क्रिप्शनसह या प्लॅनमध्ये वापरकर्त्यांना JioCloud, JioCinema आणि JioTV यासह Jio प्लॅटफॉर्मवर मोफत प्रवेश मिळतो.
हा प्लॅन खरेदी करणारे वापरकर्ते जिओच्या ५जी वेलकम ऑफर अंतर्गत अनलिमिटेड ५जी डेटासाठी पात्र असणार आहेत. रिलायन्स जिओने आपले ५जी कव्हरेज आतापर्यंत देशातील ,२५८ गावे/ शहरांमध्ये पोहोचवले आहे. २०२३ च्या केहरीस देशातील प्रत्येक तालुका आणि शहरात ५जी नेटवर्क सुरू करण्याचे कंपनीचे उद्दिष्ट आहे.