शहापूर: धबधब्यात बुडून दोघांचा मृत्यू

कल्याण तालुक्यातील कोलम येथे राहणारी राणी चौधरी या तरुणीकडे हैदराबाद येथून आलेला कार्तिक व मुरबाड येथील धनंजय दोघेही आले होते. तिघेही मंगळवारी तालुक्यातील पिवळी जवळील वांद्रे – खोर येथे फिरायला आले असताना खोर येथील धबधब्याखाली डोहात जाताना कार्तिकचा पाय घसरून तो पाण्यात पडला. त्याला वाचविण्यासाठी धनंजय गेला असता दोघांनाही पोहता येत नसल्याने ते बुडाले. या घटनेत त्यांचा मृत्यू झाला. स्थानिक ग्रामस्थांच्या मदतीने दोघांना पाण्याबाहेर काढण्यात आले. याबाबत वासिंद पोलीस अधिक तपास करत आहेत.