विजेचा शॉक लागून दोघे जखमी

ठाणे येथील टिकुजिनीवाडी भागात गुरुवारी सायंकाळी आमदार संजय केळकर यांच्या अभिनंदनाचे फलक लावत असताना विद्युत तारेचा शॉक लागून दोघे जण जखमी झाल्याची घटना घडली. कादिर शेख (२०) आणि रामप्रकाश (१९) अशी दोघांची नावे असून त्यांच्यावर खासगी रुग्णालयात उपचार सुरू असून त्यापैकी कादिरची प्रकृती चिंताजनक आहे. ठाणे शहराचे आमदार संजय केळकर यांच्या प्रयत्नामुळे टिकुजिनीवाडी परिसरात गतिरोधक बसविण्यात आले आहेत. यामुळे त्यांचे अभिनंदन करणारे फलक हे दोघजण लावत होते. त्यावेळी विद्युत तारेचा शॉक लागून हे दोघे जखमी झाले, अशी माहिती कापूरबावडी पोलीस ठाण्याचे वरिष्ठ पोलीस निरीक्षक सुशील कदम यांनी दिली.