Shocking video: खराब रस्त्यामुळे प्रवाशांना जीव मुठीत धरून प्रवास करावा लागतो. अनेकदा अपघात होऊन नागरिकांना प्राण गमवावे लागतात. दुचाकी चालक, चारचाकी चालक तसेच सरकारी वाहनांनाही याचा रोज सामना करावा लागतो. अशात अपघाताचाही मोठा धोका असतो. तसेच प्रवशांना खड्ड्यांमुळे मणक्याला मार बसणे हे नेहमीचंच झालं आहे. दरम्यान सध्या याच खड्ड्यांमुळे एका महिलेचा जीव गेला असता मात्र बस कंडक्टरमुळे महिलेचे थोडक्यात प्राण वाचले.हा थरारक व्हिडीओ सध्या व्हायरल होत असून कधी काय होईल याचा नेम नाही.
व्हायरल होत असलेला व्हिडिओ तमिळनाडूमधील इरोडा येथील आहे. सोशल मीडियावर व्हायरल झालेल्या बसच्या सीसीटीव्ही फुटेजमध्ये इरोडहून मेत्तूरला जाणाऱ्या एका खासगी बसमध्ये ही घटना घडली. ज्यात एका बसच्या कंडक्टरने धावत्या बसमधून पडणाऱ्या महिलेचा जीव वाचवला आहे.
या व्हिडीओमध्ये तुम्ही पाहू शकता, बस वेगात धावत आहे. यावेळी पुढच्या स्टॉपला उतरण्यासाठी महिला जागेवरुन उठून बसच्या दरवाजाजवळ येते. तेवढ्यात बस खड्ड्यात जाऊन जोरात हलते आणि तिचा पाय घसरतो. ती दरवाजाच्या बाहेर जाते, तेवढ्यात तिथेच उभा असलेला कंटक्टर महिलेला पकडतो आणि तिला आतमध्ये खेचतो. कंडक्टरने तिच्या केसांना पकडून बसमध्ये ओढले.
तरुणीने बसमधून खाली पडलेले तिचे सामान आणून तिला परत बसमध्ये आल्यावर पाणी प्यायला दिले जाते. कंडक्टरच्या प्रसंगावधानामुळे तरुणीला वाचवण्यात यश येते.हा व्हिडीओ पाहून तुमच्याही काळजाचा ठोका चुकेल.
पाहा व्हिडीओ
हेही वाचा >> Viral Video: गंगेतून पकडलेल्या मगरीची भाविकांनी केली पूजा; लोकांनी केला ‘जय श्रीराम’चा जयघोष
सोशल मीडियावर हा व्हिडीओ व्हायरल होत असून बस कंडक्टरचं सर्वजण कौतुक करत आहे. एका युरने कमेंट केली, बस कंडक्टर देवासारखा उभा होता, तर दुसऱ्या युजरने खराब रस्त्यांमुळे हे घडलं असल्याची टीका केली आहे. बस चालकामुळेच त्या महिलेचे प्राण वाचले अन्यथा मोठी दुर्घटना घडली असती. हा व्हिडीओ @HateDetectors या अकाऊंटवरुन शेअर केला असून नेटकरी वारंवार हा थरारक व्हिडीओ पाहत आहेत.