Dog attack viral video: कुत्र्यांच्या हल्ल्याच्या घटनांमध्ये दिवसेंदिवस वाढ होतं आहे. गेल्या काही दिवसांपासून भटक्या कुत्र्यांनी उच्छाद मांडला आहे. गाडीवर जाणाऱ्यांचा पाठलाग असो, किंवा रस्त्यावरून जात असाल तरीही भटके कुत्रे हे टोळीने हल्ला करत आहे. शांतता असेल आणि एखादी व्यक्ती किंवा लहान मुलं एकटी असली की कुत्रे त्यांचेच राज्य असल्याप्रमाणे हल्ला करतात. यात आजवर अनेक नागरिक जखमी झाले आहेत. भटक्या कुत्र्यांचे माणसांवर हल्ला चढवण्याचे हे प्रमाण जास्त वाढत आहे. अशातचं आता उत्तर प्रदेशातून एक व्हिडीओ समोर आला आहे.
भटक्या कुत्र्यांनी एका ७ वर्षाच्या चिमुरड्यावर हल्ला केल्याची धक्कादायक घटना समोर आली आहे. झांशी येथे ही घटना घडली आहे. सीसीव्हीत ही घटना कैद झाली असून यामध्ये जवळपास पाच कुत्रे एकाचवेळी मुलावर हल्ला करत त्याचे लचके तोडत असल्याचं दिसत आहे. सुदैवाने वेळीच मुलाची आई आणि तेथील स्थानिक धावत आल्याने कुत्र्यांनी पळ काढला. पण हल्ल्यात मुलगा गंभीर जखमी झाला आहे. उपचारासाठी त्याला रुग्णालयात दाखल करण्यात आलं आहे. त्यामुळे पालकांनी आपल्या मुलांना असे एकटे सोडू नये असा सल्ला दिला आहे.
पाहा व्हिडीओ
हेही वाचा – Gadar 2: ‘गदर 2’ पाहण्यासाठी थिअटरमध्ये चक्क ट्रॅक्टरवर पोहोचले फॅन्स, आनंद महिंद्रा म्हणतात; आता तर…
संपुर्ण देशात भटक्या कुत्र्यांची दहशत
बिहार, उत्तर प्रदेश, महाराष्ट्रासहीत अनेक राज्यांमध्ये भटक्या कुत्र्यांची दहशत दिसून आली आहे. नुकतेच गुजरात राज्यात भटक्या कुत्र्यांनी दहशत माजवल्याचा प्रकार समोर आला होता. कुत्र्यांच्या या हल्ल्यात तीन वर्षांपासून ते वृद्ध लोकांपर्यंत अनेकांचा समावेश आहे. पायी चालत जाणे किंवा सायकल चालविणाऱ्यांना हे कुत्रे आपले लक्ष्य बनवितात.