World Heritage : भारतातील ‘या’ प्रसिद्ध मंदिराला जागतिक वारसा स्थळांच्या यादीत मिळालं स्थान!

युनेस्कोच्या जागतिक वारसा समितीच्या ४४ व्या अधिवेशनात २५ जुलै रोजी हा निर्णय घेण्यात आला. युनेस्कोने ट्वीट करत घोषणा केली.

world heritage site which is kakatiya rudreshwara ramappa mandir
भारताला ३९ वे जागतिक वारसा स्थान तेलंगणाच्या काकतीय रुद्रेश्वर (रामप्पा) मंदिराच्या रूपाने मिळाले आहे.

तेलंगण राज्यातील वारंगलजवळील पालमपेट, मुलुगु जिल्ह्यात रुद्रेश्वराच्या मंदिराचे नाव  (रामप्पा मंदिर म्हणून ओळखले जाणारे) युनेस्कोच्या जागतिक वारसा यादीमध्ये कोरले गेले आहे. युनेस्कोच्या जागतिक वारसा समितीच्या ४४ व्या अधिवेशनात २५ जुलै रोजी हा निर्णय घेण्यात आला. १३ व्या शतकातील अभियांत्रिकी चमत्कारीक रामप्पा मंदिराचे सन २०१९  मध्ये युनेस्कोच्या जागतिक वारसा साइट टॅगसाठी एकमेव नामांकन म्हणून सरकारने प्रस्तावित केले होते. याची माहिती युनेस्कोने त्यांच्या ऑफिशियल ट्विटर अकाऊटवरून पोस्ट करत केली. “नुकतेच जागतिक वारसा स्थळ म्हणून भारतातील तेलंगणा येथील काकतीय रुद्रेश्वर (रामप्पा) मंदिर लिहले गेले आहे. ब्राव्हो!” हे ट्वीट करत घोषणा केली.

रुद्रेश्वर (रामप्पा) मंदिराबद्दलचे थोडक्यात वर्णन

१२१३ एडी मध्ये रुद्रेश्वराचे मंदिर काकतीयचा रिचर्ला रुद्र काकतीयाचा सेनापती राजा गणपतीदेवा यांच्या काकतीयचा साम्राज्याच्या कारकिर्दीत बांधले गेले होते. येथील प्रमुख देवता रामलिंगेश्वरस्वामी आहेत. या मंदिराची रामप्पा मंदिर म्हणूनही ओळख ४० वर्षापासून मंदिरात काम करणाऱ्या शिल्पकारानंतर झाली. काकातीयांच्या मंदिर संकुलांमध्ये एक वेगळी शैली, तंत्रज्ञान आणि सजावट आहे जे काकातीयन शिल्पकाराचा प्रभाव दर्शवितात. रामप्पा मंदिर हे काकातीयन सर्जनशील अलौकिकतेचे प्रशंसापत्र म्हणून उभे राहते. हे मंदिर ६  फूट उंच तारा-आकाराच्या व्यासपीठावर उभे आहे, ज्यात काकातीयन शिल्पकारांच्या अनन्य कौशल्याची साक्ष देणारी युनिक कोरीव मूर्ती आहेत.काळाशी संबंधित विशिष्ट शिल्पकला,सजावट आणि काकातीयन साम्राज्य हे एक उत्कृष्ट वैश्विक मूल्य आहे.

तेजस्वी तारा

या मंदिराला अनेक पर्यटक आवर्जून भेट देतात. यात फक्त भारतीय नाही तर अन्य देशातील पर्यटकही असतात. युरोपियन व्यापारी आणि पर्यटक मंदिराच्या सौंदर्याने मंत्रमुग्ध झाले. अशाच एका प्रवाशाने असे म्हटले होते की हे मंदिर म्हणजे “दक्कनच्या मध्ययुगीन मंदिरांच्या आकाशगंगेतील सर्वात तेजस्वी तारा” आहे.

पंतप्रधान नरेंद्र मोदी यांची पोस्ट

पंतप्रधान नरेंद्र मोदी यांनी युनेस्कोने काकतीय रामप्पा मंदिराला जागतिक वारसा म्हणून घोषित केल्याबद्दल आनंद व्यक्त केला आहे. त्यांनी लोकांना या भव्य मंदिर संकुलाला भेट द्यावी आणि तेथील भव्यतेचा प्रथमच अनुभव घ्यावा असे आवाहनही केले. युनेस्कोच्या ट्विटवर प्रतिक्रिया व्यक्त करताना पंतप्रधान म्हणाले;

“उत्कृष्ट! सर्वांचे, विशेषत: तेलंगणाच्या लोकांचे अभिनंदन. आयकॉनिक रामप्पा मंदिर महान काकातीय राजवंशातील उत्कृष्ट शिल्पकला दर्शविते. सर्वांनी या भव्य मंदिर संकुलाला भेट द्यावी आणि तेथील भव्यतेचा प्रथमच अनुभव घ्यावा अशी मी आपणास विनंती करतो. ”

केंद्रीय मंत्री श्री जी किशन रेड्डी यांनी मानले आभार

संयुक्त राष्ट्रसंघ शैक्षणिक, वैज्ञानिक व सांस्कृतिक संघटनेने (युनेस्को) जागतिक वारसा शिलालेख प्रदान केल्याने पंतप्रधान नरेंद्र मोदी यांनी केलेल्या मार्गदर्शन व पाठबळाबद्दल केंद्रीय सांस्कृतिक, पर्यटन व विकास मंत्री श्री जी किशन रेड्डी यांनी आभार मानले. श्री जी किशन रेड्डी मंत्री म्हणाले की “कोविड -१९ मुळे युनेस्कोच्या जागतिक वारसा समितीची बैठक २०२० मध्ये होऊ शकली नाही. २०२० आणि २०२१ साठीच्या अर्जांवर ऑनलाईन बैठकीत चर्चा करण्यात आली. रामप्पा मंदिराबद्दल चर्चा रविवारी २५  जुलै २०२१  रोजी झाली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: India get its 39th world heritage site which is kakatiya rudreshwara ramappa mandir of telangana ttg

ताज्या बातम्या
फोटो गॅलरी