Video : “ही दोस्ती तुटायची नाय” भांडण मिटल्यावर दोघी मैत्रीणी ढसा ढसा रडल्या, व्हिडीओ पाहून नेटकरी म्हणाले, “म्हणून मैत्रीत गैरसमज नसावे”

भांडण मिटल्यावर दोघी मैत्रीणी ढसा ढसा रडल्या (Two Friends Cry After Making Up)

या व्हायरल व्हिडीओमध्ये तुम्हाला दोन तरुणी दिसेल. या तरुणी एका खोलीतून बाहेर पडतात. त्यानंतर त्या भावुक होताना दिसतात आणि एमकेकांकडे पाहून रडताना दिसतात. या दोघी खूप चांगल्या मैत्रीणी आहेत. पुढे एक मैत्रीण पुढे येऊन दुसऱ्या मैत्रीणीला घट्ट मिठी मारते आणि दोघीही एकमेकींच्या मिठीत ढसा ढसा रडताना दिसतात. त्यांना पाहून इतर आजुबाजूला उभे असलेले लोक भावुक होतात. त्यानंतर एक मैत्रीण दुसऱ्या मैत्रीणीचे अश्रु पुसते आणि तिला रडू नको असं समजावून सांगते. या व्हिडीओवर लिहिलेय, “दोन जिवलग मैत्रीणी खूप दिवस बोलत नव्हत्या. क्षणात भांडण मिटले आणि दोघी किती रडल्या. अबोला मिटवण्याचं मला भाग्य लाभलं”

पाहा व्हायरल व्हिडीओ (Viral video)

anantraut11 या इन्स्टाग्राम अकाउंटवरून लेखक, कवी,वक्ता अनंत राऊत यांनी हा व्हिडीओ शेअर केला असून या व्हिडीओच्या कॅप्शनमध्ये लिहिलेय, “खूप दिवसांचं भांडण मिटलं.
म्हणून गैरसमज नसावे मित्रांनो” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “कोण म्हणतं त्रास फक्त प्रेमातच होतो. एकदा मनापासून मैत्री करून बघा.. प्रेमापेक्षा जास्त त्रास होतो…” तर एका युजरने लिहिलेय, “खऱ्या अर्थाने जगाला मैत्री समजवणारे कवी. अतिशय भावनिक क्षण आहे.” आणखी एका युजरने लिहिलेय, “नातं कोणतंही असो मनातून निभावलं तर त्रास होतोच” एक युजर लिहितो, “खरच अंगावर काटा आला” अनेक युजर्सनी भावनिक प्रतिक्रिया दिल्या आहेत. काही युजर्सनी हार्टचे इमोजी शेअर केले आहेत तर काहींनी त्यांचे अनुभव शेअर केले आहेत.