Viral Video: सोशल मीडियावर प्राण्यांचे बरेच व्हिडीओ व्हायरल होत असतात. यामध्ये हत्तीच्या मस्तीचे, गोंधळाचे अनेक व्हिडीओ आपण आतापर्यंत पाहिले आहेत. हत्ती तसा शांत प्राणी मात्र त्याला राग आला तर कहर होणार हे नक्की. अशाच एका रागीट हत्तीचा व्हिडीओ सोशल मीडियावर व्हायरल होतोय. हा व्हिडीओ पाहून तुमचाही थरकाप उडेल.
पश्चिम बंगालमधील हुगळी जिल्ह्यात भर बाजारपेठेत एका जंगली हत्तीनं चांगलाच धुमाकूळ घातलाय..हत्तीने अचानक मारलेल्या एन्ट्रीनं बाजारपेठेत सगळ्यांचीच धांदल उडाली. सुरुवातीला शांतता असणाऱ्या ठिकाणी अचानक हत्ती येतो आणि पार्क केलेली स्कूटर अक्षरश: फूटबॉलसारखी उडवतो. हत्तीनं आपल्या मार्गात आलेल्या दुचाकीला उडवून पायाखाली ठेचले आहे. हा सर्व प्रकार सीसीटीव्ही कॅमेरात कैद झाला असून सध्या हा व्हिडीओ तूफान व्हायरल होतोय. या व्हिडीओनं सगळीकडेच खळबळ माजवून दिली आहे.
अन् हत्तीनं फुटबॉलसारखी उडवली स्कूटर
या व्हिडीओत आपण पाहू शकतो की एक स्कूटर भर बाजारपेठेत एका मेडीकलच्या समोर पार्क केली आहे. या मेडीकलमध्येही लोकांची रांग लागली आहे. दरम्यान परिसरात सर्वत्र शांतता असताना हत्ती एन्ट्री करतो आणि सर्वजण आपला जीव वाचवण्यासाठी सैरभैर पळू लागतात. त्यावेळी हत्ती येतो पार्क केलेल्या स्कूटरला उडवून लावतो आणि तिथून पुढे जातो.
हे ही वाचा<< ‘ती’ घाबरून विनवण्या करत होती पण ‘तो’ अश्लील.. भररस्त्यात पोलिसाकडून तरुणीचा विनयभंग, Video व्हायरल
ट्विटरवर हा व्हिडीओ व्हायरल होत असून आत्तापर्यंत 2 लाखांपेक्षा अधिक लोकांनी हा व्हिडीओ पाहिला आहे. दरम्यान नेटकरी या व्हिडीओची तुलना 1995 मधील अमेरिकन जुमांजी चित्रपटाशी करत आहेत. तर अनेकांनी वेगवेगळ्या प्रतिक्रिया या व्हिडीओवर दिल्या आहेत.