Case against former sarpanch and two in illegal moneylending case | Loksatta

बेकायदा सावकारी प्रकरणी माजी सरपंचासह दोघांविरुद्ध गुन्हा

प्रतिमहा पाच टक्के व्याजाने तक्रारदाराने त्यांच्याकडून दहा लाख रुपये घेतले.

बेकायदा सावकारी प्रकरणी माजी सरपंचासह दोघांविरुद्ध गुन्हा
सांकेतिक फोटो / लोकसत्ता

पुणे : बेकायदा सावकारी प्रकरणी माजी सरपंचासह दोघांविरुद्ध खंडणी विरोधी पथकाने कारवाई करुन गुन्हा दाखल केला आहे. नवनाथ ज्ञानोबा मासाळ (रा. माऊली निवास, पिसोळी), उमेश श्रीहरी मांगडे (रा. मांगडेवाडी, कात्रज) अशी गुन्हा दाखल करण्यात आलेल्यांची नावे आहेत. मासाळ हा कोंढवा परिसरातील पिसोळी गावचा माजी सरपंच आहे. मांगडे हा मांगडेवाडीतील माजी सरपंचाचा मुलगा आहे. त्यांचे बांधकाम आणि हाॅटेल व्यवसाय आहेत. याबाबत एका व्यावसायिकाने भारती विद्यापीठ पोलीस ठाण्यात फिर्याद दिली आहे.

तक्रारदाराचा जमीन खरेदी-विक्रीचा व्यवसाय आहे. तक्रारदाराला पैशांची गरज होती. २०२० मध्ये त्यांनी मासाळ याच्याकडे व्याजाने पैसे मागितले. तेव्हा मासाळ तक्रारदाराला घेऊन मांगडे याच्या हाॅटेलवर गेले. प्रतिमहा पाच टक्के व्याजाने तक्रारदाराने त्यांच्याकडून दहा लाख रुपये घेतले. तक्रारदाराने त्यांची महागडी मोटार त्यांच्याकडे तारण ठेवली होती.तक्रारदाराने त्यांना व्याजापोटी चार लाख दहा हजार रुपये दिले. मात्र, काही महिन्यांचे व्याज थकल्याने आरोपींनी त्याची सदनिका आणि दुकान तारण ठेवले. दुकान आणि सदनिका परत करण्यासाठी ३३ लाख रुपये मागितले. पैसे परत न केल्यास जीवे मारण्याची धमकी दिली.

हेही वाचा : मद्य पिऊन त्रास दिल्याने लहान भावाचा गळा दाबून खून ; कोंढवा भागातील घटना

तक्रारदाराने खंडणी विरोधी पथकाकडे तक्रार दिली. त्यानंतर पोलीस उपायुक्त श्रीनिवास घाडगे यांच्या मार्गदर्शनाखाली महाराष्ट्र सावकारी अधिनियमानुसार मासाळ आणि मांगडे यांच्याविरुद्ध भारती विद्यापीठ पोलीस ठाण्यात गुन्हा दाखल करण्यात आला. वरिष्ठ पोलीस निरीक्षक बालाजी पांढरे तपास करत आहेत.

मराठीतील सर्व Uncategorized ( Uncategorized ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
अनुष्का शर्माची सहकलाकार विराट कोहलीला भेटताच भावुक, म्हणाली, “माझा विश्वास बसत नाही…”

संबंधित बातम्या

Video : २६/११ दहशदवादी हल्ला; IPS विश्वास नांगरे पाटील यांनी सांगितला ताज हॉटेलमधील थरारक अनुभव

व्हिडिओ

ताज्या बातम्या
देविकाचा ऑलिम्पिक पदकाचा ध्यास!
India New Zealand ODI Series: सलामीवीरांकडून आक्रमकतेची अपेक्षा!
FIFA World Cup 2022: ऑस्ट्रेलियाची टय़ुनिशियावर मात
गुजरात निवडणुकीसाठी जाणे हे अधिकृत काम आहे का?; न्यायालयाचे राहुल नार्वेकर आणि मंगलप्रभात लोढा यांना खडे बोल
‘अदानी’च्या अर्जावर प्रक्रिया सुरू; नवी मुंबईसह मुलुंड-भांडुप, पनवेल भागात वीज वितरण परवाना