शोभायात्रेवर अंडीफेक, विरारमध्ये तणाव

विरारमध्ये सकल हिंदू समाजाद्वारे रविवारी संध्याकाळी रामनवमीनिमित्ताने शोभायात्रेचे आयोजन करण्यात आले होते. चिखलडोंगरी येथून यात्रेला सुरवात झाली. संध्याकाळी एकता पार्कजवळून शोभायात्रा जात असताना अज्ञात व्यक्तीने अंडी फेकली. यामुळे एकच खळबळ उडाली. बोळींज पोलिसांनी घटनास्थळी धाव घेऊन परिस्थिती नियंत्रणात आणली. याप्रकरणी एका संशयिताला ताब्यात घेण्यात आले आहे.