ई टीव्ही मराठीवर ‘लख लख चंदेरी सोनेरी’ दिवाळी विशेष कार्यक्रम

ई टीव्ही मराठीच्या ‘कॉमेडी एक्स्प्रेस’ या प्रेक्षकप्रिय ठरलेल्या स्टॅण्ड अप कॉमेडी कार्यक्रमाच्या दिवाळी विशेष भागांना ‘लख लख चंदेरी सेनेरी’ असे शीर्षक देण्यात आले आहे. १२ ते १५ नोव्हेंबर असे चार दिवस कॉमेडी एक्स्प्रेसमधील सगळे विनोदी कलावंत दररोज वेगवेगळ्या विषयांवर स्कीट सादरीकरण करणार आहेत.  नवरा-बायको, सासू-सुना, शाहीर-सोंगाडय़ा अशा विषयावर अभिनय करणार आहेत. सर्वसामान्य माणूस दिवाळी कशी साजरी करतो या विषयावरही विशेष भाग दाखविण्यात येणार आहे. अभिजीत चव्हाण, सागर कारंडे, शर्मिष्ठा राऊत, समीर चौगुले, शैला काणेकर, विशाखा सुभेदार हे कलावंत सहभागी होणार आहेत. दररोज दाखविण्यात येणारे दिवाळी विशेष भाग एक तासाचे असतील.