संपूर्ण जिल्ह्यासह नांदगाव तालुक्याचे लक्ष लागून असलेल्या मनमाड कृषी उत्पन्न बाजार समितीच्या सभापतीपदाच्या निवडणुकीस तब्बल दोन वेळा स्थगिती मिळाल्यानंतर अखेर बुधवारी गुप्त पद्धतीने मतदान व मतमोजणी होवून हा निकाल पाकिटात सीलबंद करण्यात आला. त्यामुळे सभापतीपदी कोणाची निवड झाली, याची उत्सुकता कायम आहे. शुक्रवारी उच्च न्यायालयात सुनावणीवेळी सदर पाकीट उघडून निकाल जाहीर होण्याचे संकेत आहेत.