17th November, Daily Horoscope In Marathi : आज १७ नोव्हेंबर २०२४ रोजी कार्तिक कृष्ण पक्षाची द्वितिया तिथी आणि रविवार आहे. द्वितीया तिथी रविवारी रात्री ९ वाजून ०७ मिनिटांपर्यंत राहील. यादिवशी शिवयोग असणार आहे, रात्री ८ वाजून २१ मिनिटांपर्यंत राहील. तसेच रोहिणी नक्षत्र आज संध्याकाळी ५ वाजून २३ मिनिटांपर्यंत जागृत असेल.अभिजीत मुहूर्त सकाळी ११ वाजून ४५ मिनिटांपासून ते १२ वाजून २७ मिनिटांपर्यंत असेल. राहुकाल ४ वाजून ०३ मिनिटांपासून ५ वाजून २२ मिनिटांपर्यंत राहील. आज चंद्र वृषभ राशीत असेल. या दिवशी ग्रहमनानुसार आणि पंचांगानुसार मेष ते मीन राशीचे भविष्य कसे असेल जाणून घेऊया…
१७ नोव्हेंबर २०२४ पंचांग व राशी भविष्य: कुणाचं नशीब उजळणार? (Horoscope Today, 17 November 2024)
मेष:- अति उत्साह दाखवू नका. सहजासहजी समोरच्यावर विश्वास ठेऊ नका. उत्तम कौटुंबिक सौख्य लाभेल. खाण्यापिण्याची आवड पूर्ण होईल. नातेवाईकांशी नाते अधिक दृढ होईल.
वृषभ:- वैचारिक गुंतागुंत वाढवू नका. कोणत्याही दबावाखाली निर्णय घेऊ नका. नवीन योजनेवर काम करण्यावर भर द्या. घरातील वातावरण आनंदी राहील. मित्रांचे सहकार्य लाभेल.
मिथुन:- आपल्या आक्रमकतेला आळा घाला. योग्य नियोजनावर भर द्या. वैचारिक गुंतागुंत वाढवू नका. जोडीदाराचे प्रगल्भ विचार दिसून येतील. शिस्तीचे धोरण ठेवा.
कर्क:- लोकांच्या चर्चेचा विषय बनाल. मित्रांकडून उधारी वसूल होईल. हातातील काम मन लावून करा. एखाद्या महत्त्वाच्या विषयावर चर्चा कराल. एकाच गोष्टीवर अडून राहू नका.
सिंह:- कामानिमित्त लहान प्रवास घडतील. दिनक्रम व्यस्त राहील. कार्यालयीन कामे सुरळीत पार पडतील. सूर्योपासना उपयुक्त ठरेल. घरगुती वातावरण शांत राहील.
कन्या:- जोडीदाराशी सामंजस्य ठेवा. वादाचे प्रसंग टाळावेत. आत्मविश्वासाने कार्यरत रहा. प्रयत्नात कसूर करू नका. दिवसाचा उत्तरार्ध चांगला जाईल.
तूळ:- दिवस दगदगीत जाईल. नवीन कामात तडजोड करू नका. अचानक धनलाभ संभवतो. हाताखालील लोकांवर विसंबून राहू नका. संयमित व्यवहार करू नका.
वृश्चिक:- शांत डोक्याने काम करावे. वरिष्ठांच्या मर्जीनेच काम करा. लाभाची संधी सोडू नका. केवळ कामावर लक्ष केंद्रीत करावे. नवीन गोष्टी आत्मसात कराव्यात.
धनू:- विद्यार्थ्यानी संधी सोडू नये. कामाच्या ठिकाणी दिवस चांगला जाईल. एक छोटासा बदल लाभदायक ठरेल. नवीन संधी उपलब्ध होतील. कुटुंबातील व्यक्तींशी वैचारिक मतभेद होऊ शकतात.
मकर:- कामाच्या बाबतीत संभ्रमित राहू नका. प्रत्येक गोष्टीत स्पष्टता बाळगावी. निर्णय घेताना हवे तर वेळ मागून घ्या. एकावेळी अनेक गोष्टी हाताळू नका.
कुंभ:- काही अनुत्तरित प्रश्न मार्गी लागतील. लोक तुमच्या मताचा विचार करतील. मोसमी आजरांकडे दुर्लक्ष करू नका. आहारवर नियंत्रण ठेवावे. व्यापारी वर्गाला दिवस चांगला जाईल.
मीन:- व्यावसायिक गोष्टी नीट लक्षात घेऊन मगच मत नोंदवा. बोलताना सारासार विचार करावा. जोखीम पत्करावी लागेल. बुद्धीचा सुयोग्य वापर करावा. अडचणीत असलेल्यांना मदत कराल.
(ज्योतिषी विद्याधर करंदीकर )
© IE Online Media Services (P) Ltd