Daily Horoscope In Marathi, 7 June 2025 : ७ जून २०२५ रोजी जेष्ठ महिन्याच्या शुक्ल पक्षातील द्वादशी तिथी आहे. द्वादशी तिथी रविवारी सकाळी ७ वाजून १८ मिनिटांपर्यंत राहील. सकाळी ११ वाजून १७ मिनिटांपर्यंत वरियान योग असेल आणि त्यानंतर परिघ योग जुळून येईल. सकाळी ९ वाजून ४० मिनिटांपर्यंत चित्रा नक्षत्र आणि त्यानंतर स्वाती नक्षत्र जागृत असेल . राहू काळ ९ वाजता सुरु होईल ते १०:३० वाजेपर्यंत असणार आहे. तसेच आज चंपक द्वादशी तिथी असणार आहे. चंपक द्वादशी भगवान विष्णूंची तिथी आहे. तर आज चित्रा नक्षत्र तुमच्या नशिबात कसे सुख येणार जाणून घेऊया…
७ जून २०२५ पंचांग व राशिभविष्य ( Aajche Rashi Bhavishya 7 June 2025 In Marathi )
मेष दैनिक राशिभविष्य (Aries Daily Horoscope Today)
कामात तुमचा आवेश कामाला येईल. तांत्रिक कामात प्रगती करता येईल. घरातील ज्येष्ठ मंडळींची काळजी घ्यावी. परोपकाराचा मार्ग अवलंबाल. नातेवाईकांना सांभाळून घ्यावे लागेल.
वृषभ दैनिक राशिभविष्य (Taurus Daily Horoscope Today )
कौटुंबिक कामातून लाभ होईल. जुनी कामे व्यवस्थित पार पडतील. घरगुती कामाची जबाबदारी वाढेल. जोडीदार तुमच्यावर खुश राहील. कामात क्षुल्लक अडथळे येऊ शकतात.
मिथुन दैनिक राशिभविष्य (Gemini Daily Horoscope Today)
तुमची धावपळ वाढू शकते. दिवसभर कामात व्यग्र राहाल. मनातील निराशा दूर सारावी. सर्व गोष्टी मनासारख्या होतील असे नाही. इच्छा नसताना प्रवास करावा लागू शकतो.
कर्क दैनिक राशिभविष्य (Cancer Daily Horoscope Today)
मानपमानाचे प्रसंग येऊ शकतात. काही गोष्टी दुर्लक्षित करता आल्या पाहिजेत. अति विचार करणे टाळावे. कामाच्या ठिकाणी ताण जाणवेल. नातेवाईकांची नाराजी दूर करावी.
सिंह दैनिक राशिभविष्य (Leo Daily Horoscope Today)
अडचणीतून मार्ग काढता येईल. मनातील आकांक्षा पूर्ण होतील. काही नवीन स्वप्ने आकार घेऊ लागतील. पत्नीचा गैरसमज दूर करावा लागेल. लहानांबरोबर मजा मस्ती कराल.
कन्या दैनिक राशिभविष्य (Virgo Daily Horoscope Today)
चांगले कौटुंबिक सौख्य लाभेल. वाहन वेगावर नियंत्रण ठेवावे. गुरूजनांची भेट होईल. अधिकारी लोकांच्यात वावराल. ऐषारामाच्या वस्तु खरेदी केल्या जातील.
तूळ दैनिक राशिभविष्य (Libra Daily Horoscope Today)
मुलांच्या आरोग्याकडे लक्ष ठेवावे. उष्णतेचा त्रास जाणवेल. खाण्या-पिण्याच्या वेळा पाळाव्यात. जवळचा प्रवास टाळता आला तर पहावा. पैसा अनाठायी खर्च होऊ शकतो.
वृश्चिक दैनिक राशिभविष्य (Scorpio Daily Horoscope Today)
मित्रांशी मतभेद संभवतात. नातेवाईक तुमच्यावर नाराज होऊ शकतात. उत्साहावर पाणी पडू देऊ नका. पित्ताचा त्रास जाणवू शकतो. कौटुंबिक शांतता जपावी लागेल.
धनू दैनिक राशिभविष्य (Sagittarius Daily Horoscope Today)
काहीसे हट्टीपणे वागाल. अधिकाराचा योग्य वापर करता आला पाहिजे. नसते साहस अंगाशी येऊ शकते. दुचाकी वाहन चालवताना सावधानता बाळगावी. स्वत:च्या मर्जीने दिवस घालवाल.
मकर दैनिक राशिभविष्य (Capricorn Daily Horoscope Today)
नवीन गुंतवणूक खात्रीपूर्वक करावी. फसवणुकीपासून सावध राहावे. मनातील चुकीच्या विचारांना थारा देऊ नका. बोलताना शब्द जपून वापरावेत. रोकठोक बोलणे टाळावे लागेल.
कुंभ दैनिक राशिभविष्य (Aquarius Daily Horoscope Today)
थोडाफार डोकेदुखीचा त्रास जाणवेल. बाहेरील अन्नपदार्थ खाणे टाळावे. कोणावरही चटकन विश्वास ठेऊ नका. कारण नसताना रागराग करू नये. कोणत्याही प्रसंगी संयम सोडून चालणार नाही.
मीन दैनिक राशिभविष्य (Pisces Daily Horoscope Today)
कामाच्या ठिकाणी सावध राहावे. कामे स्वबळावर पूर्ण करावीत. नसत्या शंका उत्पन्न करू नका. वादाच्या मुद्यांपासून दूर राहावे. डोळ्यांची वेळेवर तपासणी करावी.
ज्योतिषी विद्याधर करंदीकर
© IE Online Media Services (P) Ltd