Darash Amavasya Vishesh Rashi Bhavishya : २७ फेब्रुवारीला माघ महिन्याच्या कृष्ण पक्षातील चतुर्दशी तिथी आहे. चतुर्दशी तिथी सकाळी ८ वाजून ५५ मिनिटांपर्यंत चालेल, त्यानंतर अमावस्या तिथी सुरू होईल. रात्री ११ वाजून ४१ मिनिटांपर्यंत शिवयोग जुळून येईल. तसेच धनिष्ठ नक्षत्र दुपारी ३ वाजून ४४ मिनिटांपर्यंत जागृत असेल. याशिवाय रात्री ११ वाजून ४५ मिनिटांपर्यंत बुध मीन राशीत प्रवेश करेल. तसेच राहू काळ १ वाजून ३० मिनिटांनी सुरु होईल ते ३ वाजेपर्यंत असणार आहे. तसेच आज दर्श अमावस्या सुद्धा असणार आहे. हिंदू पंचागनुसार माघ महिन्याच्या शेवटच्या दिवशी दर्श अमावस्या साजरी केली जाते. तर आजचा दिवस कोणत्या राशीसाठी सुख-समृद्धी घेऊन येणार हे आपण जाणून घेऊया…
२७ फेब्रुवारी पंचांग व राशिभविष्य :
मेष:- तुमचे व्यक्तिमत्व खुलून येईल. भावंडांशी खेळीमेळीचे वातावरण राहील. दीर्घकालीन गुंतवणुकीवर भर द्यावा. विरोधकांपासून सावध राहावे. मुलांची प्रगती होताना दिसेल.
वृषभ:- सहकार्‍यांशी असणारा वाद संपुष्टात येईल. मित्रपरिवाराची अपेक्षित मदत मिळेल. कलाकार मंडळींची प्रगती होईल. बौद्धिक कामे करणार्‍यांना चांगली संधि मिळेल. महत्त्वाची कामे यशस्वी होतील.
मिथुन:- राजकारणापासून दूर राहावे. नोकरीनिमित्त प्रवास करावा लागेल. वाहन जपून चालवावे. क्षुल्लक कारणांवरून रूसवे फुगवे संभवतात. नसते साहस करू नका.
कर्क:- कलाकारांचे मनोरथ पूर्ण होईल. सहकुटुंब तीर्थयात्रेचा योग येईल. मुलांच्या शुभ वार्तेने कान सुखावतील. आनंदाच्या भरात हुरळून जाऊ नका. जोडीदाराला अचानक लाभ संभवतो.
सिंह:- कामा निमित्त बराच प्रवास करावा लागेल. पैशाचा अपव्यय होणार नाही ह्याची काळजी घ्यावी. घरासाठी नवीन वस्तु खरेदी कराल. पर्यटनाचा विचार मनात येईल. घराचे सुशोभीकरण काढाल.
कन्या:- पदोन्नतीचे योग संभवतात. आर्थिक गरज पूर्ण होईल. कोणतेही गोष्ट अती करू नये. तुमच्या मताला प्राधान्य दिले जाईल. आलेल्या संधीचे सोने करावे.
तूळ:- सांस्कृतिक कामात सहभाग घ्याल. मुलांना उल्लेखनीय प्रशस्तिपत्रक मिळेल. कोणत्याही गोष्टीच्या जास्त खोलात जाऊ नका. जोडीदाराचे मत तुम्हाला पटणार नाही. बेफिकिरपणे वागू नका.
वृश्चिक:- तुमच्यातील कलागुणांची वाढ होईल. प्रेमप्रकरणात सावधानता बाळगा. योग्यायोग्याची खात्री करावी. तुमचा अंदाज अचूक ठरेल. मौज मजेकडे कल राहील.
धनू:- वाहन विषयक कामे निघतील. चैनीच्या वस्तु खरेदी कराल. व्यवसायिक ठिकाणी मन लावून काम करावे. कौटुंबिक सुख-शांति जपावी. अनिष्टता टाळण्याचा प्रयत्न करावा.
मकर:- आर्थिक कोंडी सोडवावी लागेल. व्यवसायिकांनी सजगता दाखवावी. वारसाहक्काच्या कामांतून लाभ संभवतो. कागदपत्रांवर विचारपूर्वक सह्या कराव्यात. कौटुंबिक ताणतणाव कमी करण्याचा प्रयत्न करावा.
कुंभ:- प्रकृतीची हेळसांड करू नये. जोडीदाराचे वर्चस्व राहील. मेहनतीत कसूर करू नका. वेळेचे मोल लक्षात घ्यावे. सामाजिक सेवेत पुढाकार घ्याल.
मीन:- चांगला आर्थिक लाभ होईल. मोहापासून दूर राहण्याचा प्रयत्न करावा. मित्रपरिवारात वाढ होईल. कोणावरही विसंबून राहू नका. मुलांची काळजी लागून राहील.
ज्योतिषी विद्याधर करंदीकर
© IE Online Media Services (P) Ltd