Personality Traits : ज्योतिषशास्त्रानुसार कोणत्याही व्यक्तीची राशी ही दोन प्रकारे ठरवण्यात येते. एक म्हणजे व्यक्तीच्या नावाचे पहिल्या अक्षरावरून तर दुसरे म्हणजे व्यक्तीचा जन्म महिना. त्यामुळे व्यक्तीच्या जन्म महिन्यावरून व्यक्तीच्या भविष्याविषयी आणि व्यक्तिमत्वाविषयी जाणून घेता येते. आज फेब्रुवारी महिन्यात जन्मलेल्या लोकांविषयी जाणून घेणार आहोत.
ज्योतिषशास्त्रानुसार फेब्रुवारी महिन्यात जन्मलेल्या लोकांमध्ये इतरांना त्यांच्याकडे आकर्षित करण्याची शक्ती असते. हे लोक विविध प्रकारे त्यांच्या भावना व्यक्त करतात. ते जर खूप जास्त आनंदी असेल तर त्यांच्या मनातील भावना कोणाजवळही शेअर करत नाही तसेच जेव्हा ते दुखी असतात तेव्हा सुद्धा ते आपल्या भावना कोणाजवळ व्यक्त करत नाही. पण जर त्यांना राग आला तर ते राग व्यक्त करतात.
फेब्रुवारीमध्ये जन्मलेल्या मुली स्वाभिमानी स्वभावाच्या असतात, असं म्हणतात. त्या कधीही त्यांच्या जोडीदारासमोर झुकत नाही. तसेच या महिन्यात जन्मलेले लोक कधीही समोरच्यावर विश्वास ठेवत नाही.
या महिन्यात जन्मलेले लोक मनाने अतिशय साधे असतात पण त्यांच्या बुद्धीला समजून घेणे कठीण असते. भावनिक होणे ही त्यांचा सर्वात मोठा अशक्तपणा असतो. अनेकदा या कारणामुळे त्यांना करिअरमध्ये अडचणी निर्माण होतात. या महिन्यात जन्मलेले लोक इतरांना त्यांच्याकडे लवकर आकर्षित करतात.
आत्मविश्वासाच्या बाबतीत हे लोक खूप मागे असतात. हे लोक प्रत्येक गोष्टीचा विचार करतात आणि कोणतीही लहान गोष्टीवरून सुद्धा दु:खी होतात ज्यामुळे त्यांना नात्यात अडचणींचा सामना करावा लागतो. फेब्रुवारी महिन्यात जन्मलेल्या लोकांना डॉक्टर, लेखक, शिक्षक इत्यादी क्षेत्रात करिअर करायला आवडते.
प्रेमाच्या बाबतीत हे लोक मनाप्रमाणे वागतात. त्यांचे मन स्थिर नसते. अनेकदा त्यांना नातेसंबंधामध्ये अडचणीचा सामना करावा लागतो पण त्यांना नशीबाची पूर्णपणे साथ मिळते.
(टीप : वरील लेख हा प्राप्त माहितीवर आधारित आहे.)
© IE Online Media Services (P) Ltd