October 2025 Lucky Zodiac Signs: ऑक्टोबर महिना ज्योतिषशास्त्रानुसार फार महत्त्वाचा ठरणार आहे. कारण- या महिन्यात दोन शक्तिशाली ग्रह-गुरू आणि मंगळ-राजयोगाची निर्मिती करणार आहेत. गुरू ग्रह कर्क राशीत प्रवेश करून, हंस राजयोग निर्माण करील; तर मंगळ स्वतःच्या वृश्चिक राशीत प्रवेश करून, रुचक राजयोग तयार करील. हे दोन शक्तिशाली राजयोग निर्माण होताच काही राशींना शुभ परिणाम मिळू शकतात. लक्ष्मीची असीम कृपा या राशींवर होणार असून धनसंपत्तीमुळे बँक बॅलन्स वाढण्याची शक्यता आहे. चला तर जाणून घेऊया त्या राशी कोणत्या आहेत.
ऑक्टोबरमध्ये आर्थिक लाभ आणि जीवनात सुख?
मेष
हा महिना मेष राशीसाठी सुवर्णसंधी घेऊन येणार आहे. गुरू-मंगळाच्या राजयोगामुळे घरगुती आयुष्यात शांती, समाधान व आनंद वाढू शकतो. आर्थिक दृष्टिकोनातून अनपेक्षित लाभाची शक्यता आहे. काहींना नवीन घर, वाहन खरेदीची संधी मिळू शकते. नवे परिचय होतील आणि त्यातून मोठं यश मिळण्याची शक्यता आहे. विद्यार्थ्यांना विशेषतः गूढशास्त्र किंवा संशोधन क्षेत्रात चमक दाखवता येईल.
मिथुन
समाजात मिथुन राशीचे लोक आपल्या बुद्धी आणि तर्कशक्तीमुळे नावारूपाला येतील. गुरूच्या गोचरामुळे धनभाव सबळ होईल, ज्यामुळे पैशाची कमतरता भासणार नाही. आरोग्यातही सुधारणा जाणवेल. काहींना पितृसंपत्ती किंवा कौटुंबिक व्यवसायातून मोठा फायदा मिळू शकतो. उद्योजकांसाठी हा काळ नवा व्यवसाय सुरू करण्यासाठी अनुकूल आहे.
कर्क
ऑक्टोबर हा महिना कर्क राशीवाल्यांसाठी एकदम परिवर्तनकारी ठरणार आहे. गुरू स्वतः कर्क राशीत येणार असल्याने आत्मविश्वास गगनाला भिडेल. करिअरमध्ये प्रगती, बढती किंवा नवी संधी मिळू शकते. मंगळ पंचम भावात असल्याने मानसिक सामर्थ्य वाढेल; तर विद्यार्थ्यांना शिक्षण क्षेत्रात यश मिळेल. आयुष्यातील बऱ्याच गुंतागुंतीच्या समस्या या महिन्यात सुटण्याची चिन्हे आहेत.
मकर
हा काळ मकर राशीच्या लोकांसाठी धनवर्षाव घेऊन येईल. मंगळ लाभभावात गोचर झाल्यामुळे एकाच वेळी अनेक स्रोतांतून उत्पन्न मिळू शकते. व्यापाऱ्यांना नवीन योजनांमधून मोठा फायदा होईल. आरोग्य चांगलं राहील आणि प्रियजनांसोबत आनंदाचे क्षण घालवण्याची संधी मिळेल. प्रवासाचा योगही संभवतो.
मीन
गुरू मीन राशीसाठी पंचम भावात विराजमान राहील, ज्यामुळे मानसिक शांती आणि आध्यात्मिक उन्नतीचा काळ सुरू होईल. धार्मिक कार्यात रुची वाढेल. प्रेमसंबंधांमध्ये नवीन गोडी निर्माण होईल. बचतीत वाढ होईल आणि नोकरी शोधणाऱ्यांसाठी संधीची दारं उघडतील. या महिन्यात जुन्या इच्छा पूर्ण होण्याची शक्यता खूपच प्रबळ आहे.
तर मंडळी, ऑक्टोबरमध्ये होणारे हे गुरू-मंगळाचे राजयोग म्हणजे फक्त ग्रहांचा खेळ नाही; तर काही राशींसाठी जीवन बदलवणारी ती सुवर्णसंधी आहे. कुणावर धनवर्षाव होणार, कुणाला करिअरमध्ये गगनभरारी मिळणार, तर कुणाला प्रेम व आध्यात्मिक समाधानाची भेट मिळणार. प्रश्न फक्त इतकाच आहे, तुमची रास यात आहे का?
(टीप : वरील सर्व माहिती उपलब्ध स्रोतावरून देण्यात आलेली आहे. त्याच्या तथ्यांबद्दल लोकसत्ता कोणताही दावा करीत नाही, तसेच अंधश्रद्धेला दुजोराही देत नाही.)