Shani Sade Sati Zodiac Signs: ज्योतिषशास्त्रात शनी देवाला दंडाधिकारी आणि न्यायाचा देव मानले जाते. शनी आपल्या कर्मानुसार प्रत्येकाला फळ देतो. जे चांगले कर्म करतात त्यांना शनी राजासारखे स्थिर आणि सुखमय आयुष्य देतो, तर जे वाईट कर्म करतात त्यांना शनीचा कठोर परिणाम भोगावा लागतो. याशिवाय कुठल्या राशीत शनी देव आहे, त्याचादेखील जीवनावर मोठा प्रभाव पडतो.

शनीची साडेसाती ही प्रत्येक व्यक्तीला कधी ना कधी भोगावी लागते. पण, ही फक्त संकटाची वेळ नाही; योग्य उपाय आणि सकारात्मकता ठेवली तर शनीचा आशीर्वाददेखील मिळतो. साडेसाती म्हणजे शनीचा आपल्या जन्मकुंडलीतील चंद्र राशीच्या तीन घरांवरचा प्रभाव पहिला, दुसरा आणि तिसरा टप्पा, जो सुमारे ७ वर्षांचा असतो. या काळात आर्थिक तंगी, नोकरी-व्यवसायात अडथळे, आरोग्याचे प्रश्न, नातेसंबंधातील तणाव यांसारखे परिणाम दिसू शकतात.

२०२५ मध्ये शनीची साडेसाती

सध्या शनी मीन राशीत आहेत आणि २ वर्षांहून अधिक काळ मीन राशीत राहणार आहेत. या काळात फक्त मीन राशीच नव्हे, तर मीनच्या पुढच्या आणि मागच्या राशीवरदेखील साडेसातीचा प्रभाव दिसतो, त्यामुळे सध्याच्या काळात मीन, कुंभ आणि मेष राशीच्या लोकांवर शनीची साडेसाती सुरू आहे. साडेसातीच्या परिणामामुळे काही लोकांना आर्थिक नुकसान, नोकरीत अडथळे, नात्यांमध्ये तणाव, अपघात किंवा शारीरिक आजार यांचा सामना करावा लागू शकतो. मात्र, ज्यांच्या कुंडलीत शनी शुभ स्थितीत आहेत, त्यांना या काळातही शुभ फळ मिळते आणि संकटे कमी होतात.

हेही वाचा

साडेसाती संपण्याची वेळ

कुंभ राशी : साडेसाती २०२८ च्या सुरुवातीला संपेल.

मीन राशी : साडेसाती २०३० मध्ये संपणार आहे.

मेष राशी : साडेसाती २०३३ मध्ये संपेल.

साडेसातीच्या काळात संयम, नियमित पूजा, शनीसाठी उपाय आणि सकारात्मकता ठेवणे अत्यंत आवश्यक आहे. योग्य उपायांमुळे शनीची साडेसाती संकटात्मक नाही, तर मार्गदर्शकही ठरू शकते.

शेवटी कोणत्या ३ राशींना सध्याची साडेसाती त्रास देत आहे?

मेष, मीन आणि कुंभ राशीच्या लोकांना सध्या शनीची साडेसाती अनुभवायला मिळत आहे. या तीन राशींवर शनीचा प्रभाव वेगवेगळ्या पातळ्यांवर दिसतो आणि प्रत्येक राशीच्या लोकांना वेगवेगळ्या प्रकारची अडचण भासू शकते.

शनीची साडेसाती ही एक सावधानतेची आणि सुधारण्याची वेळ आहे. संयम ठेवा, आपल्या कर्मावर लक्ष द्या आणि शनीसाठी उपाय केल्यास या काळातही जीवनात प्रगती साधता येते.

(टीप : वरील सर्व माहिती उपलब्ध स्रोतावरून देण्यात आलेली आहे. त्याच्या तथ्यांबद्दल लोकसत्ता कोणताही दावा करीत नाही, तसेच अंधश्रद्धेला दुजोराही देत नाही.)