Sun Planet Transit In Singh 2023: ज्योतिष शास्त्रानुसार, सर्व ग्रहांचे स्वतःचे विशेष महत्त्व आहे. सर्व ग्रहांचा राजा सूर्य मानला जातो. जेव्हा ग्रह त्यांची राशी बदलतात, त्यामुळे त्याचा प्रभाव जवळपास सर्व राशींवर दिसून येतो. सूर्य कोणत्याही राशीत ३० दिवस राहतो. मान आणि प्रतिष्ठेचा कारक असलेला सूर्य आपल्या मित्र राशीत म्हणजेच सिंह राशीत १७ ऑगस्ट रोजी प्रवेश करणार आहे. ज्योतिषशास्त्रात सूर्याचा संबंध आदर आणि प्रतिष्ठेचा मानला जातो. त्यामुळे सूर्याच्या संक्रमणाचा प्रभाव सर्व राशींवर राहील, परंतु पाच राशी आहेत ज्यांच्यासाठी हे संक्रमण फायदेशीर ठरू शकते. तर काही राशी अशाही आहेत, ज्यांना या काळात विशेष काळजी घ्यावी लागू शकते. चला तर पाहूया कोणत्या आहेत, या राशी…
‘या’ राशींना होऊ शकतो फायदा
वैदिक ज्योतिषशास्त्रानुसार सूर्य दर महिन्याला आपली राशी बदलतो. यावेळी १७ ऑगस्ट रोजी सूर्य आपल्या आवडत्या राशीत सिंह राशीत प्रवेश करणार आहे. अशा स्थितीत मेष, मिथुन, सिंह, कन्या आणि धनु राशीच्या लोकांना जास्तीत जास्त फायदा होण्याची शक्यता आहे. सूर्याच्या संक्रमणामुळे या राशीच्या लोकांना नोकरी, करिअर आणि व्यवसायात जबरदस्त यश मिळू शकतो.
(हे ही वाचा : शनी राशी परिवर्तन करताच ‘या’ राशींना २०२५ पर्यंत मिळणार प्रचंड पैसा? उत्पन्न वाढीसह अचानक आर्थिक लाभाची शक्यता )
या राशीतील लोकांना नोकरीत अधिकाऱ्यांचे सहकार्य मिळू शकते. तसेच पदोन्नती मिळण्याची शक्यता आहे. दुसरीकडे व्यापारी वर्गाला व्यवसायात नफा होण्याची शक्यता आहे. आर्थिक लाभासोबतच अडकलेले पैसेही यावेळी परत मिळू शकतात. मालमत्ता किंवा वाहन इत्यादी खरेदी करण्याचा विचार करत असाल तर हा काळ अनुकूल ठरु शकतो. वैवाहिक जीवनात आनंद राहू शकतो.
‘या’ राशींच्या लोकांनी विशेष काळजी घ्यावी
ज्योतिषशास्त्रानुसार सूर्याचा सिंह राशीत प्रवेश वृषभ, तूळ आणि कुंभ राशीच्या लोकांसाठी शुभ मानला जात नाही. या काळात या राशीच्या लोकांना त्यांच्या आरोग्याची विशेष काळजी घ्यावी लागेल. त्याचबरोबर पैशाच्या व्यवहारात सावध राहावे लागेल. नुकसान होण्याची शक्यता आहे. तथापि, व्यवसायात काही नुकसान किंवा धनहानी होऊ शकते.