छत्रपती संभाजीनगर : धाराशिव जिल्ह्याच्या लोहारा तालुक्यातील माकणी परिसर सोमवारी सौम्य भूकंपाच्या धक्क्यांनी हादरला. सायंकाळी ५ वाजून २३ मिनिटांच्या सुमारास २.३ रिश्टर स्केलच्या भूकंपाच्या धक्क्यांमुळे नागरिकांत घबराटीचे वातावरण निर्माण झाले आहे. लोहारा तालुक्यातील सास्तुर, होळी, माकणीसह परिसरात अधूनमधून भूकंपाचे सौम्य धक्के जाणवत आहेत.
हेही वाचा : नांदेड : बेपत्ता बालिकेचा मृतदेह १८ तासांनंतर आढळला
सोमवारी मकर संक्रांतीच्या दिवशी सायंकाळी माकणी व परिसराला भूकंपाच्या सौम्य धक्क्यांचे हादरे जाणवले. जमिनीतून गूढ आवाज आला. जमीनही हादरली. माकणी, चिंचोली काटे, खेड, करजगाव, धानुरी या परिसरातील नागरिकांनीही भूकंपाचे धक्के जाणवल्याचे सांगितले. दरम्यान, दिल्ली येथे २.३ रिश्टर स्केलची नोंद झाली असल्याची माहिती कुलाबा मौसम विभागातील मौसम वैज्ञानिक (अ) किरण नारखेडे यांनी दिली.