मारूती सुझुकी एक लोकप्रिय वाहन उत्पादक कंपनी आहे. मारूती सुझुकी आपल्या ग्राहकांसाठी नवनवीन मॉडेल्स लॉन्च करत असते. ज्यात अनेक फीचर्स आणि अपडेट्स कंपनी ग्राहकांना ऑफर करते. एक वर्षभरापूर्वी मारूतीने आपले ग्रँड विटारा (Grand Vitara ) हे मॉडेल लॉन्च केले होते. या मॉडेलने एक नवीन विक्रम स्थापित केला आहे.मारूती सुझुकी ग्रँड विटारा लॉन्च झाल्यापासून एक वर्षांमध्ये एक लाख विक्रीचा टप्पा गाठला आहे. १ लाख विक्रीचा टप्पा गाठणारी पहिली मध्यम आकाराची एसयूव्ही आहे. आतापर्यंत कंपनीने १.२ लाख युनिट्सची विक्री केली आहे.
कार निर्मात्याने एका वर्षात १ लाखांपेक्षा जास्त युनिट्सची विक्री केली आहे. तसेच २४ टक्के मार्केट शेअरसह भारतातील एसयूव्ही सेगमेंटमध्ये आघाडीवर आहे. १० ते २० लाख रुपयांच्या किंमतीमधील सेगमेंटमध्ये ग्रँड विटारा मॉडेल आघाडीवर आहे. मारूतीने सुझुकीने ग्रँड विटारा मागील वर्षी सप्टेंबरमध्ये लॉन्च केली होती. ग्रँड विटारा हे ह्युंदाई क्रेटाचे वर्चस्व असलेल्या मध्यम आकाराच्या एसयूव्ही सेगमेंटमधील कंपनीचे पहिले मॉडेल होते. सध्या ग्रँड विटाराची एक्स शोरूम किंमत ही १०. ७ लाख रुपये इतकी आहे. याबाबतचे वृत्त Financial Express ने दिले आहे.
ग्रँड विटारामध्ये नॅचरली एस्पिरेटेड असे १.५ लिटरचे १०३ बीएचपी पॉवर निर्माण करणारे शक्तिशाली असे हायब्रीड इंजिन देण्यात आले आहे. मारुती सुझुकीने या हायब्रीड टेक्नॉलॉजीला टोयोटासह शेअर केले आहे. सध्या कंपनी ग्रँड विटारा हायब्रीड आणि मारुती सुझुकी इनव्हिक्टो हायब्रिड ऑफर करते. मारुतीने हायब्रीड टेक्नॉलॉजी अधिक परवडणाऱ्या सेगमेंटमध्ये सादर करण्याची शक्यता नाकारलेली नाही आहे. परंतु कंपनी सध्या या टेक्नॉलॉजीला किती मागणी आहे व ग्राहकांचा मिळणार प्रतिसाद याचा अभ्यास करत आहे.
याशिवाय मारुती सुझुकीने ग्रँड विटारा हे मॉडेल ऑलग्रीप व्हेरिएंटसह या सेगमेंट मधील पहिले मॉडेल आहे. हा एक ऑल ड्राइव्ह पर्याय आहे. हा पर्याय मॅन्युअल गिअरबॉक्ससह नॅचरली एस्पिरेटेड माइल्ड हायब्रीड इंजिनच्या सपोर्टसह येते. मारुती सुझुकीने टोयोटा हायरायडरसह पॉवरट्रेन पण शेअर केले आहे. कारण ग्रँड विटारा हे मारुती सुझकी आणि टोयोटाच्या भागीदारीत तयार केलेले मॉडेल आहे.