गुजरात फॉरेन्सिक सायन्सेस युनिव्हर्सिटी, गांधीनगर येथे उपलब्ध असणाऱ्या फॉरेन्सिक सायन्सेस विषयांतर्गत विशेष अभ्यासक्रमात प्रवेश देण्यासाठी खाली नमूद केल्याप्रमाणे पात्रताधारक विद्यार्थ्यांकडून प्रवेश अर्ज मागविण्यात येत आहेत.
अभ्यासक्रमाचा तपशील आणि कालावधी– २ वर्षे कालावधीचा एमएससी फॉरेन्सिक ऑडोंटोलॉजीचा पदव्युत्तर पदवी अभ्यासक्रम
जागांची संख्या– अभ्यासक्रमासाठी उपलब्ध जागांची संख्या ३५.
आवश्यक शैक्षणिक पात्रता– अर्जदारांनी डेंटल सर्जरी विषयातील पदवी परीक्षा कमीतकमी ५५% गुणांसह उत्तीर्ण केलेली असावी.
अभ्यासक्रमाचा तपशील व कालावधी – १ वर्ष कालावधीचा फॉरेन्सिक नर्सिग विषयातील पदविका अभ्यासक्रम.
जागांची संख्या– अभ्यासक्रमासाठी उपलब्ध जागांची संख्या १५.
आवश्यक शैक्षणिक पात्रता– अर्जदारांनी नर्सिग विषयातील पदवी परीक्षा कमीतकमी ५५% गुणांसह उत्तीर्ण केलेली असावी व त्यांची नर्सिग काऊंसिल ऑफ इंडियामध्ये नोंदणी झालेली असावी.
विशेष सूचना- राखीव वर्गगटातील अर्जदारांसाठी गुणांची टक्केवारी ५०% पर्यंत शिथिलक्षम आहे.
अधिक माहिती व तपशील- अभ्यासक्रमांच्या संदर्भात अधिक माहिती व तपशिलासाठी गुजरात फॉरेन्सिक सायन्स युनिव्हर्सिटीच्या दूरध्वनी क्र. ०७९- २३९७७१७१ अथवा २३९७७१४४ वर संपर्क साधावा अथवा युनिव्हर्सिटीच्या www.gfsu.edu.in या संकेतस्थळाला भेट द्यावी.
अर्ज करण्याची पद्धत व शेवटची तारीख– विहित नमुन्यातील संपूर्णपणे भरलेले व आवश्यक तो तपशील आणि कागदपत्रांसह असणारे प्रवेश अर्ज रजिस्ट्रार, गुजरात फॉरेन्सिक सायन्सेस युनिव्हर्सिटी, सेक्टर ९, गांधीनगर (गुजरात) ३८२००७ या पत्त्यावर २१ नोव्हेंबर २०१६ पर्यंत पोहोचतील अशा बेताने पाठवावेत.