Maharashtra SSC Result 2024 : महाराष्ट्र राज्य माध्यमिक आणि उच्च माध्यमिक शिक्षण मंडळाने इयत्ता दहावीचा निकाल जाहीर केला आहे. मंडळाने (MSBSHSE) पत्रकार परिषदेद्वारे सकाळी ११ वाजता हा निकाल जाहीर केला आहे. मात्र विद्यार्थ्यांना दुपारी १ वाजल्यापासून महाराष्ट्र बोर्डाचा दहावीचा निकाल पाहता येणार आहे. यंदा ९५.८१ टक्के विद्यार्थी उत्तीर्ण झाले आहेत. इयत्ता १२ वी प्रमाणेच कोकण विभागात सर्वाधिक ९९.०१ टक्के उत्तीर्ण होण्याची टक्केवारी नोंदवली गेली आहे. दुसरीकडे, ९४.७३ टक्के निकालासह नागपूर खाली आहे. मात्र या निकालानंतर उत्तीर्ण विद्यार्थी गुण वाढवण्यासाठी बोर्डाकडे अर्ज करु शकतात. यासाठी बोर्डानेही खास सुविधा दिली आहे. तसेच निकालानंतर पेपर पुर्नपासणीसाठी अर्ज करण्याची तारीख जाहीर केला आहे.

दहावीच्या उत्तीर्ण विद्यार्थी गुण वाढवण्यासाठी ‘या’ तारखेपर्यंत करु शकतात अर्ज

दहावीच्या परीक्षेत झालेल्या उत्तीर्ण विद्यार्थ्यांसाठी गुण वाढवण्यासाठी बोर्डाने विशेष सेवा दिली आहे, असे विद्यार्थी जे सर्व विषयात उत्तीर्ण आहेत परंतु त्यांना त्यांचे गुणवाढवायचे आहेत, ते ग्रेड-सुधारणा परीक्षेला बसू शकतात. महाराष्ट्र बोर्ड इयत्ता १० वी एसएससी ग्रेड सुधारणा परीक्षा जुलै-ऑगस्ट 2024 किंवा मार्च 2025 मध्ये होईल. पुनर्परीक्षा किंवा ग्रेड-सुधारणा परीक्षेसाठी अर्ज करण्याची सुविधा ३१ मे पासून सुरु होईल. विद्यार्थ्यांना शाळा किंवा विभागीय मंडळ कार्यालयातून याबाबत अतिरिक्त तपशील माहिती मिळू शकते.

मराठीतील सर्व करिअर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Maharashtra board 10th result 2024 live at mahresult nicin how to apply for rechecking ssc 2024 maharashtra board grade improvement exam sjr