बस कंडक्टरच्या मुलीने केली कमाल! आधी झाली डॉक्टर मग IAS अधिकारी, गरजूंसाठी घेतला धाडसी निर्णय

लहानपणापासूनच होतं अभ्यासावर लक्ष केंद्रित

डॉ. रेणू राज या केरळमधील कोट्टायम जिल्ह्यातील रहिवासी आहेत. त्यांचा जन्म तिथे एका सामान्य कुटुंबात झाला. त्यांच्या कुटुंबाची आर्थिक परिस्थिती फारशी चांगली नव्हती, परंतु त्यांच्या पालकांनी त्यांच्या अभ्यासाकडे पूर्ण लक्ष दिले. त्यांचे वडील राजकुमारन नायर बस कंडक्टर पदावरून निवृत्त झाले आहेत आणि आई लता गृहिणी आहेत. रेणू या लहानपणापासूनच हुशार विद्यार्थिनी होत्या. त्यांना डॉक्टर बनून जास्तीत जास्त लोकांची सेवा करायची होती आणि म्हणूनच त्यांनी वैद्यकशास्त्राचा अभ्यास केला.

डॉ. रेणू राज यांचे शिक्षण

डॉ. रेणू राज यांनी त्यांचे प्राथमिक शिक्षण केरळमधील कोट्टायम येथील सेंट टेरेसा उच्च माध्यमिक शाळेतून घेतले. शालेय शिक्षण पूर्ण केल्यानंतर, त्यांनी कोट्टायम येथील सरकारी वैद्यकीय महाविद्यालयातून एमबीबीएस पदवी प्राप्त केली. यानंतर, त्यांनी कोल्लम जिल्ह्यातील एएसआय रुग्णालयात हाऊस सर्जन म्हणून प्रॅक्टिस करण्यास सुरुवात केली. डॉक्टर झाल्यानंतर, २०१३ मध्ये, त्यांनी वैद्यकीय व्यवसायासोबतच यूपीएससी परीक्षेची तयारी सुरू केली.

डॉक्टर ते आयएएस पर्यंतचा प्रवास

रुग्णालयात काम करत असताना, रेणू राज यांनी गरिबी, आरोग्य सुविधांचा अभाव आणि सामाजिक असमानता यासारख्या समस्या जवळून पाहिल्या. एके दिवशी त्या एका रुग्णाला भेटला, ज्याची अवस्था पाहून त्यांना वाटले की समाजाच्या समस्या केवळ उपचारांनी सुटणार नाहीत. त्यांना जाणवले की प्रशासकीय सेवेत सामील होऊनच त्या मोठ्या प्रमाणात बदल घडवून आणू शकतात. त्यांनी नोकरीसोबतच यूपीएससी परीक्षेची तयारी केली. त्यांच्या मेहनतीचे चीज झाले आणि २०१४ मध्ये त्यांनी पहिल्याच प्रयत्नात दुसऱ्या क्रमांकाने यूपीएससी परीक्षा उत्तीर्ण केली.

डॉ. रेणू राज यांची सध्याची पोस्टिंग

आयएएस अधिकारी झाल्यानंतर रेणू राज यांनी अनेक महत्त्वाच्या पदांवर काम केले. त्यांनी नेहमीच गरीब आणि गरजूंसाठी काम करण्यास प्राधान्य दिले. डॉ. रेणू राज केरळ सरकारच्या अनुसूचित जमाती विकास विभागाच्या संचालक म्हणून काम करत आहेत. यासोबतच, त्या आदिवासी पुनर्वसन आणि विकास अभियानाच्या विशेष अधिकारीदेखील आहेत. यापूर्वी त्या वायनाड आणि एर्नाकुलम जिल्ह्यांच्या जिल्हाधिकारी होत्या.