external affairs minister S Jaishankar commented on India's it industry and terrorism in Pakistan | Loksatta

VIDEO: “आपण आयटी क्षेत्रात तज्ज्ञ तर पाकिस्तान…”, एस. जयशंकर यांचा दहशतवादावरुन पाकिस्तानला टोला; दिला ‘हा’ गंभीर इशारा

दहशतवाद्यांना आश्रय देणाऱ्या देशांवर दबाव वाढला असल्याचे एस. जयशंकर यांनी म्हटले आहे

VIDEO: “आपण आयटी क्षेत्रात तज्ज्ञ तर पाकिस्तान…”, एस. जयशंकर यांचा दहशतवादावरुन पाकिस्तानला टोला; दिला ‘हा’ गंभीर इशारा
भारताचे परराष्ट्र मंत्री एस. जयशंकर

Terrorism In Pakistan: दहशतवादावरुन भारताचे परराष्ट्र मंत्री एस. जयशंकर यांनी पाकिस्तानवर मिश्कील टिप्पणी करत निशाणा साधला आहे. भारत माहिती तंत्रज्ञान (IT) क्षेत्रात तज्ज्ञ आहे, तर शेजारचा पाकिस्तान आंतरराष्ट्रीय दहशतवादात, असा टोला एस. जयशंकर यांनी लगावला आहे. “आपण आयटी क्षेत्रात तज्ज्ञ आहोत, तर शेजारचा पाकिस्तान आंतरराष्ट्रीय दहशतवादात. हे गेल्या अनेक वर्षांपासून सुरू आहे. पण आम्ही जगाला सांगू इच्छितो, दहशतवाद हा दहशतवाद आहे. आज या हत्याराचा वापर आमच्याविरोधात होत आहे. उद्या तुमच्याविरोधात होईल”, असा गंभीर इशारा गुजरातच्या वडोदरामधील एका कार्यक्रमात एस. जयशंकर यांनी पाकिस्तानला दिला आहे.

Pakistan Twitter Account Withheld In India: पाकिस्तान सरकारच्या ट्विटर अकाउंटला भारतात स्थगिती

आधीच्या काळापेक्षा दहशतवादाबाबत जगाचा दृष्टीकोन बदलला असून आता हे कृत्य सहन केले जात नाही. दहशतवादाचा वापर करणाऱ्या देशांवर दबाव वाढला असल्याचे जयशंकर यांनी म्हटले आहे. वडोदरातील कार्यक्रमात बोलताना एस. जयशंकर यांनी भारतातील उत्तर-पूर्व भागातील दहशतवादावर भाष्य केले आहे. २०१५ मध्ये बांगलादेशसोबत सीमेसंदर्भात करार करण्यात आल्यानंतर या भागातील दहशतवादी कारवाया कमी झाल्या आहेत. या करारामुळे कट्टरपंथी लोकांना बांगलादेशमध्ये आश्रय मिळणे बंद झाले आहे, असे जयशंकर यांनी सांगितले आहे.

दरम्यान, पाकिस्तानला एफ १६ विमानांसाठी देण्यात आलेल्या आर्थिक मदतीवरुन काही दिवसांआधी एस. जयशंकर यांनी अमेरिकेला खडेबोल सुनावले होते. “एकीकडे दहशतवादाविरोधात कारवाई करण्यासाठी आपण हे करत आहोत असं सांगायचं आणि दुसरीकडे एफ-१६ सारखी लढाऊ विमानं कुठे आणि कशासाठी दिली जात आहेत हे सर्वांनाच माहिती आहे. अशा गोष्टी सांगून तुम्ही इतरांना मूर्ख बनवत नाही आहात,” अशी टीका एस जयशंकर यांनी केली होती. “आम्ही पाकिस्तान आणि भारतासोबत असणाऱ्या संबंधांची तुलना करत नाही. दोघेही वेगवेगळ्या मुद्द्यांवर आमचे भागीदार आहेत,” असे बायडन सरकारकडून यावर स्पष्टीकरण देण्यात आले होते.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
मुलायम सिंह यादव यांची प्रकृती बिघडली; अतिदक्षता विभागात उपचार सुरू

संबंधित बातम्या

VIDEO: “त्याने आमच्या बहिणीचे ३५ तुकडे केले, आम्ही त्याचे…” आफताबच्या वाहनावर तलवारीने हल्ला करणाऱ्या व्यक्तीची धमकी
आंध्रप्रदेशचे मुख्यमंत्री जगन मोहन रेड्डींच्या बहिणीला तेलंगणात अटक, गाड्यांचीही जाळपोळ; काय आहे प्रकरण?
आफताबवर तलवारीने हल्ला का केला? हिंदू सेनेचा कार्यकर्ता म्हणाला, “आम्ही त्याला फाडून…”
हायकोर्ट नगर रचनाकार आहे का? सर्वोच्च न्यायालयाची उच्च न्यायालयाच्या ‘त्या’ आदेशाला स्थगिती
VIDEO: धक्कादायक! श्रद्धा वालकर हत्या प्रकरणातील आरोपी आफताबवर तलवारीने हल्ला करण्याचा प्रयत्न

व्हिडिओ

ताज्या बातम्या
सुरतमध्ये रोड शोवरील दगडफेकीनंतर केजरीवालांचा भाजपावर हल्लाबोल; म्हणाले, “२७ वर्षे काम केलं…”
लाचलुचपत प्रतिबंधक विभागाच्या महिला पोलीस निरीक्षकासह पतीच सापळ्यात अडकला; औरंगाबाद येथील पथकाची कारवाई
बाईक टॅक्सी ॲपवर १० डिसेंबरपर्यंत कारवाई करण्याचे आश्वासन; पुण्यातील रिक्षाचालकांचा बंद अखेर मागे
“हा प्रोपगंडा आणि वल्गर चित्रपट…” IFFI मध्ये मुख्य ज्यूरींनीच साधला ‘द काश्मीर फाईल्स’वर निशाणा
VIDEO: “त्याने आमच्या बहिणीचे ३५ तुकडे केले, आम्ही त्याचे…” आफताबच्या वाहनावर तलवारीने हल्ला करणाऱ्या व्यक्तीची धमकी