मागच्या वर्षी मध्य प्रदेशमधील उज्जैन येथे एका बलात्कार पीडित अल्पवयीन मुलीला मदत केल्यानंतर एका आश्रमाचा शिक्षक चर्चेत आला होता. सदर अल्पवयीन पीडित मुलगी जवळपास एक तास मदत मागण्यासाठी दारोदार भटकत होती. पण तिला कुणीही मदत केली नाही, पण एका आश्रमाचा शिक्षक पुढे आल्यामुळे त्याचे सगळीकडे कौतुक झाले होते. मात्र आता याच शिक्षकाला अल्पवयीन मुलांवर लैंगिक अत्याचार केल्याप्रकरणी अटक करण्यात आली आहे. आता आश्रमातील शिक्षक आणि केअरटेकरला तीन मुलांवर अत्याचार केल्याप्रकरणी अटक केली आहे.

उज्जैन पोलिसांनी भारतीय दंड संहिता आणि पोक्सो कायद्याअंतर्गत विविध कलमे लावून २१ वर्षीय शिक्षक राहुल शर्मा आणि आश्रमातील केअरटेकर अजय ठाकूर यांना अटक केली आहे. दोघांनाही सध्या न्यायालयीन कोठडीत ठेवण्यात आले आहे. पोलिसांच्या म्हणण्यानुसार या प्रकरणात आणखी अल्पवयीन मुले पीडित असण्याची शक्यता आहे. पण भीतीमुळे ते पुढे आलेले नाहीत.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Hailed as hero for helping rape victim last year now booked for sexual abuse of minor boys kvg
First published on: 02-05-2024 at 09:29 IST