हजारो कोटींचा घोटाळा करून पळालेल्या विजय मल्ल्या, नीरव मोदी, मेहुल चोक्सीकडून किती रुपये वसूल केले? संसदेत दिली माहिती

ईडी आणि बँकांनी संयुक्तपणे विशेष न्यायालयाच्या माध्यमातून हिरे व्यापारी नीरव मोदी आणि मेहुल चोक्सी यांच्या विरोधात कारवाई केली. चोक्सी आणि मोदी यांनी एकत्रितपणे पंजाब नॅशनल बँकेची १३ हजार कोटींची फसवणूक केली होती. चोक्सीकडून २,५६६ कोटी रुपयांची संपत्ती वसूल करण्यात आली असून त्यांचा लिलाव करण्यात आला आहे, अशीही माहिती अर्थमंत्री निर्मला सीतारमण यांनी दिली.

हे वाचा >> गुंतवणूकदारांसाठी म्युच्युअल फंडाचा नवीन पर्याय, म्युच्युअल फंड लाईट काय आहे?

कुणालाही सोडले जाणार नाही – सीतारमण

निर्मला सीतारमण म्हणाल्या, “पीएमएलए कायद्यानुसार ईडीने आतापर्यंत २२,२८० कोटी रुपये वसूल केले आहेत. आम्ही कुणालाही सोडले नाही. भलेही ते देश सोडून पळाले असतील. पण आम्ही त्यांच्या मागे लागलो आहोत. ईडीने त्यांच्याकडून पैसा गोळा करून तो पुन्हा बँकात जमा केला आहे. आर्थिक घोटाळे करणाऱ्या एकाही आरोपीला आम्ही सोडणार नाही. आम्ही त्यांच्या मागावर राहणारच. जो पैसा बँकाचा आहे, तो बँकांना परत मिळालाच पाहीजे.”

विदेशात काळा पैसा जमा करणाऱ्यांच्या विरोधात काय कारवाई करणार? असा प्रश्न काही खासदारांनी विचारला होता. त्यावर अर्थमंत्री सीतारमण म्हणाल्या की, २०१५ साली काळा पैसा विरोधी कायदा लागू केला गेला. यातून अनेक करदात्यांवर प्रभाव पडला असून त्यांनी परदेशात असलेल्या संपत्तीची स्वतःहून माहिती दिली. विदेशातील संपत्ती उघड करणाऱ्यांची संख्या २०२१-२२ साली ६०,४६७ होती. ती आता २०२४-२५ साली वाढून दोन लाख झाली आहे.