मेरी ख्रिसमसच्या ऐवजी हॅप्पी ख्रिसमस का म्हणत नाहीत? स्वतः राणी एलिझाबेथने सांगितलं होतं ‘हे’ मोठं कारण

मेरी म्हणजे काय?

मेरीचा अर्थ आनंदी, सुखी असा आहे. मेरी हा शब्द जर्मनिक आणि ब्रिटिश इंग्लिशचे एकत्रीकरण करून बनलेला शब्द आहे. मेरीचा अर्थ आणि हॅपीचा अर्थ एकच आहे. पण ख्रिसमससाठी हॅप्पीऐवजी मेरी हा शब्द वापरला जातो.

इंग्लंडची राणी कधीच मेरी ख्रिसमस का म्हणत नव्हती?

जगभरात कोट्यवधी लोक जरी मेरी ख्रिसमस अशा शुभेच्छा देत असले तरी इंग्लंडची राणी एलिझाबेथ सर्वांना ‘हॅप्पी ख्रिसमस’ अशाच शुभेच्छा देत होत्या. दरवर्षी, इंग्लंडची राणी एलिझाबेथ द्वितीय युनायटेड किंगडमच्या लोकांना ख्रिसमसच्या दिवशी ‘हॅप्पी ख्रिसमस’ असे म्हणायची. याचे मुख्य कारण म्हणजे अर्थ एकच असूनही मेरी या शब्दाचा संदर्भ हा उद्दाम व नशेत असणाऱ्यांकडून वापरला जाणारा शब्द आहे अशी राणीची मान्यता होती. हॅप्पी हा राजेशाही शब्द असून राजघराण्यातील मंडळींनी शुभेच्छा देताना हॅप्पी ख्रिसमस म्हणावे असा राणीचा आग्रह असायचा असेही संदर्भ काही ठिकाणी दिसून आले आहेत.

हॅप्पी ऐवजी मेरी असे का म्हणतात?

मेरी या शब्दाची उत्पत्ती १६ व्या शतकात झाली.पुढे १८व्या व १९व्या शतकात हा शब्द प्रचलितझाला . मेरी हा शब्द प्रसिद्ध साहित्यिक चार्ल्स डिकन्स यांनी प्रचलित केला होता. त्यांनी त्यांच्या ‘अ ख्रिसमस कॅरोल’ या पुस्तकात मेरी हा शब्द सर्वाधिक वापरला, त्यानंतर हॅप्पीऐवजी मेरी हा शब्द वापरात आला.

दरम्यान, बिशप जॉन फिशर यांनी थॉमस क्रॉमवेल यांना लिहिलेल्या पत्रात “मेरी ख्रिसमस” अशा शुभेच्छा दिल्या होत्या हे पत्र लंडनमधील असून याची तारीख साधारण १५३४ मधील आहे.