टीम इंडियाचा कसोटी संघाचा उप-कर्णधार अजिंक्य रहाणे गेले काही दिवस आपल्या परिवारासोबत वेळ घालवतो आहे. जानेवारी महिन्याच्या अखेरीस भारतीय संघाच्या न्यूझीलंड दौऱ्यात अजिंक्य कसोटी मालिकेत खेळण्यासाठी मैदानात उतरले. त्याआधी अजिंक्यने आपली पत्नी राधिका आणि मुलगी आर्यासोबत मनसोक्स वेळ घालवला. शुक्रवारी अजिंक्य भारत अ संघाकडून खेळण्यासाठी न्यूझीलंडला रवाना होईल.

त्याआधी अजिंक्यने आपल्या ट्विटर अकाऊंटवर वडापाव खातानाचा एक फोटो टाकला. या फोटोवर अजिंक्यने तुम्हाला वडापाव कसा खायला आवडतो?? असा प्रश्नही आपल्या चाहत्यांना विचारला…

अजिंक्यच्या या फोटोवर भारताचा माजी क्रिकेटपटू सचिन तेंडुलकरनेही आपल्याला वडापाव कसा आवडतो याबद्दल सांगितलं.

भारतीय संघ श्रीलंका दौऱ्यानंतर घरच्या मैदानावर ऑस्ट्रेलियाविरुद्ध वन-डे मालिका खेळेल. यानंतर भारत न्यूझीलंड दौऱ्यासाठी रवाना होईल. या दौऱ्यात भारत ५ टी-२०, ३ वन-डे आणि २ कसोटी सामन्यांची मालिका खेळेल.