MS Dhoni said that earnings should be given to parents first | Loksatta

Mercedes Benz EQB Car Launch: कार्यक्रमात एमएस धोनीचा मनाला स्पर्श करणारा सल्ला; म्हणाला, ‘सर्वात आधी तुमची कमाई…’

मर्सिडीज बेंझ ईक्यूबी इंडिया न्यू कार महेंद्र सिंग धोनीच्या हस्ते लॉन्च करण्यात आली. त्यावेळी कार्यक्रमात बोलताना माहीने तरुण पिढीला एक सुंदर सल्ला दिला.

Mercedes Benz EQB Car Launch: कार्यक्रमात एमएस धोनीचा मनाला स्पर्श करणारा सल्ला; म्हणाला, ‘सर्वात आधी तुमची कमाई…’
माहीने तरुण पिढीला एक सुंदर सल्ला दिला. (संग्रहित छायाचित्र-इंडियन एक्सप्रेस)

भारतीय संघाचा माजी कर्णधार महेंद्रसिंग धोनीने मुंबईत मर्सिडीज बेंझ ईक्यूबी इंडिया न्यू कारच्या लॉन्चिंगला हजेरी लावली. त्यावेळी एमएस धोनीच्या हस्ते ही लक्झरी कार लॉन्च करण्यात आली. यावेळी धोनीने कारसह मस्त स्टाइलमध्ये स्टेजवर एन्ट्री घेतली. यावेळी त्यांनी मंचावर असताना अनेक प्रश्नांची उत्तरे दिली. त्यातील एका प्रश्नाला उत्तर देताना, धोनीने एक सुंदर आणि महत्त्वाचा सल्ला दिला.

या कार्यक्रमानंतर धोनीचा एक व्हिडिओ समोर आला आहे, ज्यामध्ये तो लॉन्चिंगदरम्यान प्रश्नांची उत्तरे देत आहे. यादरम्यान एका प्रश्नाला उत्तर देताना तो गुंतवणुकीबाबत सल्ला देताना दिसत आहे. ज्यामध्ये धोनीने गुंतवणूक करण्यापूर्वी तुम्ही तुमच्या कुटुंबाचीही काळजी घेतली पाहिजे, असे सांगताना दिसत आहे. व्हिडीओमध्ये धोनी म्हणतोय की, ‘जेव्हा तुम्ही कमावायला लागाल तेव्हा सर्वात पहिल्यांदा कमाई तुमच्या पालकांना द्या.’

महेंद्रसिंग धोनी व्हिडिओमध्ये म्हणाला की, ”माझ्याकडे याआधी अनेक गाड्या आहेत. त्यामुळे मी या प्रश्नाचे नीट उत्तर देऊ शकत नाही. पण मी माझी पहिली लक्झरी कार घेतली याचा मला आनंद आहे. जेव्हा तुम्ही कमावायला लागाल तेव्हा आधी ते तुमच्या पालकांना द्या. मग बाकीच्या गोष्टी पाहा. पालकांना पगार देणे कधीच बंद करू नये, पण हो गुंतवणूक करायची असेल तर प्रॉपर्टीमध्ये गुंतवणूक करा. मालमत्तेसोबतच तुम्ही अधिक पैसे कमवण्यासाठी शेअर मार्केटमध्येही गुंतवणूक करू शकता.”

हेही वाचा – IND vs BAN 1st: मेहिदी हसन मिराजचा विक्रमी भागीदारी बाबत मोठा खुलासा; म्हणाला, ‘मी फक्त मुस्तफिझुरला…’

एमएस धोनीच्या आयपीएल कारकिर्दीबद्दल बोलयचे तर, सीएसके संघा त्याच्या नेतृत्वाखाली चार वेळा चॅम्पियन बनला आहे. त्याचबरोबर संघ बंदीमुळे दोन हंगाम खेळू शकला नव्हता. चेन्नई सुपर किंग्जने २०१०, २०११, २०१८ आणि २०२१ मध्ये विजेतेपद पटकावले. गेल्या मोसमात धोनीने जडेजाकडे कर्णधारपद सोपवले असले तरी जडेजासह संपूर्ण संघाच्या फ्लॉप कामगिरीनंतर धोनीने कर्णधारपद परत घेतले. धोनी आता या मोसमाची सुरुवात कर्णधार म्हणून करेल. पण हंगाम जिंकून पुढच्या मोसमासाठी कर्णधार निवडणे हे त्याचे मोठे लक्ष्य असेल.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 05-12-2022 at 10:53 IST
Next Story
IND vs BAN 1st: मेहिदी हसन मिराजचा विक्रमी भागीदारी बाबत मोठा खुलासा; म्हणाला, ‘मी फक्त मुस्तफिझुरला…’