धोनीचं करिअर संपलेलं नाही – निवड समिती प्रमुख एम. एस. के. प्रसाद

“आम्हाला दुसऱ्या यष्टीरक्षकाबद्दलचे पर्याय धुंडाळून पहायचे आहेत, यासाठी आगामी दोन दौऱ्यांमध्ये आम्ही धोनीचा संघात समावेश केला नाही. या कारणासाठी ऋषभ पंत आणि दिनेश कार्तिक यांना संघात जागा देण्यात आलेली आहे. या दोघांनाही मालिकेत यष्टीरक्षण व फलंदाजीची संधी मिळेल. मात्र याचा अर्थ धोनीचं करिअर संपलं असा होत नाही.” पत्रकार परिषदेत प्रसाद यांनी धोनीच्या निवडीबद्दल आपली बाजू स्पष्ट केली.

प्रसाद यांनी स्पष्टीकरण दिलं असलं तरीही धोनीच्या चाहत्यांनी कालपासून सोशल मीडियावर आपल्या भावनांना मोकळी वाट करुन दिली आहे.