IPL 2022, GT vs RR Final Live : इंडियन प्रीमियर लीग टी ट्वेंटी क्रिकेट स्पर्धेचा १५वा हंगामाला नवीन विजेता मिळाला आहे. आपल्या पहिल्याच हंगामामध्ये थेट अंतिम सामन्यात धडक मारलेल्या गुजरात टायटन्सने राजस्थान रॉयल्सचा सात गडी राखून परावभ केला आहे. कर्णधार हार्दिक पंड्याची अष्टपैलू कामगिरी आणि शुभमन गिलची संयमी खेळीच्या बळावर गुजरातने आयपीएलचे विजेतपद आपल्या नावे केले आहे.अहमदाबादमधील नरेंद्र मोदी क्रिकेट स्टेडियमवर रंगलेल्या या अंतिम सामन्यात गुजरात टायटन्सच्या संघाने राजस्थानच्या फलंदाजांना डोके वर काढण्याची संधी न देता त्यांना १३० धावांवर रोखले होते. त्यामुळे आयपीएल २०२२ स्पर्धेचे विजेतपद मिळवण्यासाठी गुजरातला १३१ धावांचे माफक आव्हान मिळाले होते.