KL Rahul revealed about Nicholas Pooran: आयपीएल २०२३ मध्ये आज लखनऊ सुपरजायंट्स चेन्नई सुपर किंग्स विरुद्ध लढत आहे. लखनऊच्या संघाने आपला पहिला सामना जिंकला आहे, तर महेंद्रसिंग धोनीच्या चेन्नई सुपर किंग्जला पहिल्या विजयाची प्रतीक्षा आहे. लखनौचा कर्णधार केएल राहुल पहिल्या विजयाने खूश झाला आहे. या विजयानंतर कर्णधार केएल राहुलने निकोलस पूरनबद्दल एक मोठा खुलासा केला आहे.
निकोलस पूरनला लखनऊ फ्रँचायझीने लिलावादरम्यान १६ कोटी रुपयांना विकत घेतले. त्यावेळी या खरेदीवर सर्वांनी आश्चर्य व्यक्त केले होते. अनेक माजी क्रिकेटपटूंना आश्चर्य वाटले की पूरणला एवढ्या महागात कशासाठी विकत घेतले गेले? ज्या वेळी पूरणला आयपीएलमध्ये इतका महाग विकला गेला, त्याचवेळी त्याच्याकडून वेस्ट इंडिजचे कर्णधारपदही काढून घेण्यात आले होते. त्याचा फॉर्म चांगला नसल्यामुळे त्याची १६ कोटी रुपयांना विक्री झाल्याने सर्वांनाच आश्चर्याचा धक्का बसला. आता केएल राहुलने पुरणवर उपस्थित होत असलेल्या प्रश्नांची उत्तरे दिली आहेत.
आम्हाला संघात बहुतांश अष्टपैलू खेळाडू हवे होते –
केएल राहुलने स्टार स्पोर्ट्सला दिलेल्या मुलाखतीत सांगितले की, “या मोसमासाठी आम्हाला मधल्या फळीतील एका खेळाडूची गरज होती. जो स्फोटक फलंदाजी करतो आणि उत्तम फिनिशिंग कौशल्ये असलेला, त्यामुळे निकोलस पूरन आमची पहिली पसंती होती. त्यामुळे त्याला विकत घेतल्यानंतर आम्ही खूप उत्साहित होतो.”
केएल राहुल पुढे म्हणाला, “लिलावादरम्यान संजीव सर आणि गौतम गंभीर यांच्यासह सर्व सपोर्ट स्टाफने स्पष्ट केले होते, आम्हाला आमच्या संघात अधिकाधिक अष्टपैलू खेळाडूंचा समावेश करायचा आहे. अशा खेळाडूंचा संघात समावेश करण्याचा आमचा प्रयत्न होता, जे चेंडू आणि बॅटने महत्त्वपूर्ण योगदान देऊ शकतात.”
राहुल म्हणाला की, “सध्या टी-२० क्रिकेटमध्ये हा ट्रेंड सुरू आहे, सर्व यशस्वी संघांच्या संघात अधिकाधिक अष्टपैलू खेळाडू आहेत. त्यामुळे तुम्हाला स्टोइनिस, कृणाल पांड्या, जेसन होल्डर आणि दीपक हुडा सारखे खेळाडू आमच्या संघात आहेत. जे फलंदाजी आणि गोलंदाजी करू शकतात.
पूरनने आयपीएलमध्ये केवळ ४ अर्धशतके झळकावली आहेत –
केएलने पुढे म्हणाला, “आयपीएलमधील लखनऊ संघात समाविष्ट असलेल्या खेळाडूंची प्रतिभा मला माहीत आहे. कारण मी या खेळाडूंसोबत याआधीही खेळलो आहे. त्यामुळे एक क्रिकेटर म्हणून ते काय करू शकतात हे मला माहीत आहे. मोसमाची सुरुवात आमच्यासाठी चांगली झाली आहे, पण आम्हाला भविष्यात चांगले क्रिकेट खेळायचे आहे तरच आम्ही यशस्वी होऊ शकू.”
केएल राहुल ज्या कॅरेबियन खेळाडूला सपोर्ट करत आहे. त्याने आतापर्यंत आयपीएलचे ४७ सामने खेळले आहेत, ज्यामध्ये त्याने ९१२ धावा केल्या आहेत. यादरम्यान त्याने केवळ ४ अर्धशतके झळकावली आहेत. आयपीएलच्या पहिल्या सामन्यातही निकोलस पूरनने २१ चेंडूत ३६ धावांची खेळी केली होती.