Shikhar Dhawan starting training for IPL 2024 : इंडियन प्रीमियर लीग २०२३ च्या तयारीला सर्व संघांनी सुरूलात केली आहे. संघांसोबतच खेळाडूही सज्ज झाले आहेत. या यादीत शिखर धवनचाही समावेश झाला आहे. शिखर धवनने आयपीएल २०२४ साठी तयारी सुरू केली आहे. नुकताच तो फलंदाजीचा सराव करताना दिसला. पंजाब किंग्सने धवन सराव करत असतानाचा व्हिडीओ शेअर केला आहे. शिखर धवन पंजाब किंग्जचा कर्णधार असून मागील हंगामात त्याने तीन अर्धशतकांच्या मदतीने ३७३ धावा केल्या होत्या.
वास्तविक पंजाबने किंग्जने एक्सवर एक व्हिडिओ शेअर केला आहे. यामध्ये शिखर धवन फलंदाजीचा सराव करताना दिसत आहे. दरम्यान अनेक मोठे शॉट्स खेळतो. आयपीएलच्या पुढील हंगामात धवन एका नव्या शैलीमध्ये दिसणार आहे. जर शिखरच्या शेवटच्या हंगामाबद्दल बोलायचे, तर त्याने चांगली कामगिरी केली होती,पण तरीही त्याचा संघ विशेष काही करू शकला नाही. पंजाबचा संघ गुणतालिकेत केवळ आठव्या क्रमांकावर होता. आयपीएल २०२३ मध्ये धवनने ११ सामने खेळले. या त्याने कालावधीत ३७३ धावा झाल्या. तसेच शिखर धवनने तीन अर्धशतके झळकावली होती.
आयपीएल २०२० धवनसाठी खूप चांगले होते. त्याने १७ सामन्यात ६१८ धावा केल्या होत्या. या काळात त्याने दोन शतके आणि चार अर्धशतके झळकावल. धवनची सर्वोत्तम धावसंख्या म्हणजे नाबाद १०६ धावा आहे. धवनची एकूण कामगिरी बघितली तर ती चांगली झाली आहे. त्याने आतापर्यंत खेळलेल्या २१७ आयपीएल सामन्यांमध्ये ६६१७ धावा केल्या आहेत. या कालावधीत त्याने ५० अर्धशतके आणि दोन शतके झळकावली आहेत. या दरम्यान त्याने ७५० चौकार आणि १४८ षटकार मारले आहेत.
शिखर धवन आणि कागिसो रबाडा पंजाब किंग्जचे सर्वात मोठे बलस्थान –
पंजाब किंग्जच्या भक्कम बाजूबद्दल बोलायचे झाले, तर ते त्यांचा कर्णधार शिखर धवन आहे. पंजाब किंग्सकडे प्रदीर्घ अनुभव असलेला खेळाडू आहे, त्याला कर्णधारपदाचाही चांगला अनुभव आहे. आयपीएलच्या इतिहासात सर्वाधिक धावा करणाऱ्या फलंदाजांबद्दल बोलायचे झाल्यास, विराट कोहलीनंतर शिखर धवन दुसऱ्या क्रमांकावर आहे. त्याची सरासरी आणि स्ट्राईक रेट नेहमीच चांगला असतो आणि तो शांत मनाचा कर्णधार आहे. त्याचबरोबर या संघात कागिसो रबाडासारखा जगातील सर्वात भयंकर वेगवान गोलंदाज आहे. ज्याच्याकडे कोणत्याही क्षणी विकेट घेण्याची क्षमता आहे. जर तो त्याच्या लयीत असेल, तर तो एकटा विरोधी संघाला सामन्यात गारद करु शकतो.