रोज सकाळी रिकाम्यापोटी “हे: ५ ड्रायफ्रूट्स खाल्लेच पाहिजेत; जाणून घ्या शरीरावर होणारा आरोग्यदायी परिणाम

श्री बालाजी ॲक्शन मेडिकल इन्स्टिट्यूट, दिल्लीच्या मुख्य आहारतज्ञ प्रिया पालीवाल यांनी या ५ ड्रायफ्रुट्सचे फायदे सांगितले आहेत. आहारतज्ज्ञ प्रिया पालीवाल यांनी सांगितले की, अक्रोड, बदाम, काजू, पिस्ता आणि मनुका असे पाच प्रकारचे ड्रायफ्रूट्स खाल्ल्याने अनेक आरोग्य फायदे मिळतात. याच्या सेवनाने अनेक आजार दूर होतात. प्रिया पालीवाल यांच्या मते, ड्रायफ्रूट्स हे उष्ण असतात. त्यामुळे पाण्यात भिजवून खाणे अधिक फायदेशीर ठरते.

पिस्त्याचे फायदे

रिकाम्या पोटी पिस्ता खाल्ल्याने अनेक आरोग्य फायदे होतात. पिस्ता हे प्रथिने, फायबर आणि व्हिटॅमिन बी ६ सारख्या अनेक पोषक तत्वांचा एक चांगला स्रोत आहे, जे आरोग्य सुधारण्यासाठी प्रभावी ठरू शकते.हे ड्रायफ्रूट आतड्यांसंबंधी आरोग्य आणि दृष्टीसाठी खूप फायदेशीर मानले जाते. पिस्त्याचे नियमित सेवन केल्यास रक्तदाब आणि हृदयविकाराचा धोका कमी होतो.

अक्रोडाचे फायदे

अक्रोड हे आरोग्यासाठी वरदान ठरू शकते. रोज सकाळी अक्रोडाचे सेवन केल्याने तुम्ही तुमच्या हृदयाचे आरोग्य तसेच तुमच्या मेंदूचे आरोग्य बऱ्यापैकी सुधारू शकता. अक्रोडमधील ओमेगा-३ फॅटी ॲसिड आणि अँटीऑक्सिडंट्स मेंदूच्या आरोग्यासाठीही फायदेशीर आहेत. हे मेंदूच्या पेशींचे नुकसान होण्यापासून आणि स्मरणशक्ती वाढवण्यास मदत करतात.

खजूरचे फायदे

जर तुम्हाला दिवसभर उत्साही राहायचे असेल तर तुम्ही रोज सकाळी रिकाम्या पोटी खजूर खाणे सुरू करावे. हाडे आणि स्नायूंचे आरोग्य मजबूत करण्यासाठी आपल्या आहार योजनेत खजूर देखील समाविष्ट करू शकतात. हे पाचन तंत्र, अशक्तपणा आणि रोगप्रतिकारक शक्ती मजबूत करण्यासाठी खूप प्रभावी आहे.

बदामाचे फायदे

सकाळी रिकाम्या पोटी बदाम खाणे देखील आरोग्यासाठी फायदेशीर ठरू शकते. प्रथिने, फायबर, कॅल्शियम, लोह, तांबे यासह अनेक पोषक तत्वांनी समृद्ध बदाम कोलेस्ट्रॉल आणि रक्तदाब नियंत्रित करण्यासाठी उपयुक्त ठरू शकतात.

मनुक्याचे फायदे

मनुक्यांमध्ये आढळणारे सर्व पोषक तत्व तुमचे आरोग्य मजबूत करण्यासाठी प्रभावी ठरू शकतात. आतड्यांसंबंधी आरोग्यासाठीही मनुका खूप फायदेशीर मानले जाते. मनुका हाडांना कॅल्शियम पुरवतात. यामुळे रक्तदाब कमी होतो. मनुका खाल्ल्याने हृदयाचे आरोग्य चांगले राहते. मनुका खाल्ल्याने पचनक्रियाही सुधारते.