महिलांनो ‘हा’ डोसा ठरतोय केसगळतीच्या समस्येवर रामबाण उपाय; वाचाच एकदा पोषणतज्ज्ञांनी सांगितलेली माहिती…

या डोसा रेसिपीमध्ये वापरण्यात येणारे चार मुख्य घटक जे केसांच्या आरोग्यासाठी उत्कृष्ट आहेत, ते म्हणजे नाचणी (डोशात वापरली जाणारी) आणि चणे, दही व खोबरे (चटणीमध्ये वापरलेले साहित्य).

केसांचे आरोग्य वाढविणारे यातील चार पदार्थ खालीलप्रमाणे :

१. नाचणी- लोह, कॅल्शियम व अमीनो अॅसिड यांसारख्या आवश्यक पोषक घटकांनी युक्त नाचणी टाळूमध्ये रक्त परिसंचरण सुधारण्यास मदत करते, केसांच्या वाढीस प्रोत्साहन देते व केस गळणे कमी करते.

२. चणे- चण्यांमध्ये प्रथिने आणि जस्त यांचे प्रमाण जास्त असते. केसांचा कूप ही केसांच्या वाढीसाठी जबाबदार असलेली त्वचेची एक लहान रचना असते. चण्यामधील पोषक घटकांमुळे केसांच्या कूपांचे पोषण होते आणि त्यामुळे केस मजबूत व निरोगी होण्यास मदत मिळते.

३. दही प्रो-बायोटिक्स आणि प्रथिनांनी भरलेले असते. अशा दह्याचे सेवन टाळूच्या आरोग्यास प्रोत्साहन मिळते. परिणामत: केस गळण्यास कारणीभूत असलेला कोंडा आणि जळजळ कमी होते.

४. नारळ आरोग्यदायी चरबी आणि जीवनसत्त्वांनी समृद्ध आहे. त्यामुळे नारळाचे सेवन करण्याने केशवाहिन्या मजबूत होऊन, केस तुटणे टाळले जाते आणि ओलावा प्रदान होतो.

ही रेसिपी बनविण्यासाठी वापरलेले देशी तूप हृदय, मेंदू व सांधे यांच्यासाठी आरोग्यदायी आहे, असे पोषणतज्ज्ञ सांगतात. एकत्रितपणे हे घटक टाळूचे पोषण करून, केसांची ताकद सुधारून व केसांच्या निरोगी वाढीस प्रोत्साहन देतात. केसगळतीशी लढण्यासाठी आवश्यक पोषक घटक प्रदान करतात. ही रेसिपी कशी बनवायची हे जाणून घ्या.

कृती : नाचणीच्या डोशासाठी पीठ तयार करून सुरुवात करा. सर्वप्रथम मिनी पॅनवर नाचणीच्या पिठाचे बॅटर पसरवा. थोडे देशी तूप टाका. आता बारीक चिरलेला कांदा, टोमॅटो, भोपळी मिरची व किसलेले गाजर घाला. थोडे किसलेले चीज डोशावर टाका. दोन्ही बाजूंनी चांगले शिजू द्या. तुमचा भाज्यांसोबतचा नाचणी डोसा तयार आहे.

हेही वाचा >> रिकाम्या पोटी थोडा वेळ राहिल्यास तुमचंही डोकं दुखतं का? यामागचं कारण ऐकून धक्का बसेल

चटणीसाठी : मिक्सरमध्ये भाजलेले चणे, हिरवी मिरची, आले, नारळाचे तुकडे व दही घाला. चटणी तयार करण्यासाठी हे सर्व चांगल्या रीतीने मिसळा. मोहरी आणि कढीपत्ता घालून फोडणी तयार करा. चटणीमध्ये फोडणी मिसळा. आता पौष्टिक चटणी तयार आहे. नाचणीच्या डोशासोबत खा आणि आनंद घ्या!

निरोगी केसांसाठी या आरोग्यदायी घटकांचा आणि रेसिपीचा तुमच्या आहारात समावेश करा.