पोट खूप सुटलंय? फक्त सकाळी उठल्याबरोबर ‘या’ बिया पाण्यात मिसळून प्या, पोट होईल कमी अन् गॅस-पचनाचे त्रास होतील दूर

बडीशेप आपल्या स्वयंपाकघरातील एक सामान्य पण अत्यंत प्रभावी मसाला आहे. जेवणानंतर माउथ फ्रेशनर म्हणून वापरली जाणारी ही बडीशेप केवळ तोंडातील वास दूर करण्यासाठी नाही, तर अनेक आरोग्य समस्यांवर उपाय म्हणूनदेखील उपयुक्त आहे. विशेषतः बडीशेपचं पाणी हे पचनसंस्थेपासून वजन नियंत्रणापर्यंत अनेक फायदे देतं.

बडीशेपचं पाणी कसं करतं काम?

बडीशेपचं पाणी एक नैसर्गिक डिटॉक्स ड्रिंक आहे, जे यकृत (लिव्हर) आणि मूत्रपिंड (किडनी) स्वच्छ ठेवण्यास मदत करतं. आयुर्वेदाचार्य आचार्य बालकृष्ण यांच्या मते, दररोज सकाळी रिकाम्या पोटी बडीशेपचं पाणी प्यायल्यास पोटाची सूज नियंत्रणात राहते. पोट फुगणं, गॅस तयार होणं, जळजळ आणि आंबट ढेकर यांसारख्या समस्यांपासूनही आराम मिळतो.

उष्णतेच्या दिवसात दिलासा

उन्हाळ्यात शरीरातील उष्णता वाढते, अशा वेळी बडीशेपचं पाणी थंडावा देतं. यामध्ये असलेले थंड गुणधर्म शरीरात थंडपणा निर्माण करतात आणि हीट स्ट्रोक किंवा डिहायड्रेशनपासून संरक्षण करतात.

पचनासाठी रामबाण उपाय

बडीशेप चयापचय सुधारते. बडीशेप बियांमध्ये ऍनेथोल, फायबर आणि अँटी-ऑक्सिडंट असतात. या बिया पचनक्रिया सुधारण्यास मदत करतात. यामुळे पोटाशी संबंधित त्रास अपचन, फुगणं यांपासून सहज आराम मिळतो.

अँटीऑक्सिडंट्सचा भरपूर स्रोत

बडीशेपमध्ये फ्लावोनॉयड्स, फिनॉलिक कंपाउंड्स आणि व्हिटॅमिन C यांसारखे शक्तिशाली अ‍ँटीऑक्सिडंट्स असतात, जे फ्री रेडिकल्सपासून संरक्षण करतात, यामुळे हृदयविकार आणि कर्करोगासारख्या आजारांचा धोका कमी होतो.

वजन कमी करण्यात मदत

बडीशेपचं पाणी वजन कमी करण्यास मदत करतं. यामधील फायबर भूख नियंत्रणात ठेवतो, त्यामुळे अनावश्यक खाणं कमी होतं आणि वजन नियंत्रणात राहतं.