'These' days of the month are considered best for conception; Know the exact date according to the menstrual cycle | Loksatta

गर्भधारणेसाठी महिन्याचे ‘हे’ दिवस मानले जातात सर्वोत्तम; मासिक पाळीच्या चक्रानुसार जाणून घ्या नेमकी तारीख

शारीरिक संबंध ठेवण्यासाठी मासिक पाळीदरम्यान योग्य दिवस निवडल्यास सकारात्मक परिणाम मिळण्याची शक्यता वाढते.

गर्भधारणेसाठी महिन्याचे ‘हे’ दिवस मानले जातात सर्वोत्तम; मासिक पाळीच्या चक्रानुसार जाणून घ्या नेमकी तारीख
मासिक पाळीदरम्यान ३ ते ४ दिवस असे असतात, ज्यादरम्यान संबंध ठेवल्यास गर्भधारणेची शक्यता वाढते. (Freepik)

गर्भधारणा आणि मासिक पाळीचा जवळचा संबंध आहे. डॉक्टरांच्या म्हणण्यानुसार, जर तुम्हीही गर्भधारणेसाठी प्रयत्न करत असाल, तर शारीरिक संबंध ठेवण्यासाठी मासिक पाळीदरम्यान योग्य दिवस निवडल्यास सकारात्मक परिणाम मिळण्याची शक्यता वाढते. मासिक पाळीदरम्यान ३ ते ४ दिवस असे असतात, ज्यादरम्यान संबंध ठेवल्यास गर्भधारणेची शक्यता वाढते.

प्रसिद्ध स्त्रीरोग आणि आयव्हीएफ तज्ज्ञ डॉ. सुप्रिया पुराणिक यांच्यानुसार, प्रत्येक महिलेच्या मासिक पाळीचा कालावधी वेगवेगळा असतो. काहींचा हा कालावधी २४ दिवसांचा, २८ दिवसांचा, ३५ किंवा काहींचा ४० दिवसांचा असतो. ज्या महिलांच्या मासिक पाळीची तारीख ठरलेली असते त्यांचे प्रजनन दिवस शोधणे सोपे आहे. पण मासिक पाळी अनियमित असल्यास हे जाणून घेणे अवघड आहे.

पुराणिक यांच्या म्हणण्यानुसार, महिलांच्या मासिक पाळीच्या १२ ते १४ दिवस आधी ओव्हुलेशन होते. अंडाशयात अंड सोडले जाण्याच्या क्रियेला ओव्हुलेशन म्हटले जाते. ओव्हुलेशनच्या काळात शारीरिक संबंध ठेवल्यास गर्भधारणेची शक्यता वाढते. असे मानले की आज महिन्याची पहिली तारीख आहे. जर एखाद्या महिलेच्या मासिक पाळीचा कालावधी २४ दिवसांचा आहे, तर याच्या १२ ते १४ दिवस आधी तिचा ओव्हुलेशन कालावधी असेल. यानुसार १० ते १४ तारखेदरम्यान शारीरिक संबंध ठेवल्यास गर्भधारणा होण्याची संभावना वाढते. त्याचप्रमाणे, जर एखाद्या महिलेचे मासिक चक्र २८ दिवसांचे असेल, तर तिचा ओव्हुलेशन कालावधी महिन्याच्या १४ तारखेच्या आसपास असेल.

Health Tips : तुम्हीही रात्री दोनपेक्षा जास्त वेळा लघवी करता? यामागे असू शकतात ‘ही’ गंभीर कारणे; जाणून घ्या उपाय

डॉक्टरांच्या म्हणण्यानुसार, ज्या महिलांचा मासिक चक्राचा कालावधी निश्चित आहे, त्यांचा प्रजनन कालावधी शोधणे शक्य आहे. जर एखाद्या महिलेची मासिक पाळी अनियमित असेल, तर तिच्या ओव्हुलेशन कालावधीचे निरीक्षण करावे लागेल. यासाठी सोनोग्राफीद्वारे केला जाणारा फॉलिक्युलर अभ्यास आणि घरबसल्या चाचणी करू शकतो असे डिजिटल ओव्हुलेशन किट, या दोन पर्यायांचा वापर केला जाऊ शकतो.

(येथे देण्यात आलेली माहिती गृहीतके आणि सामान्य माहितीवर आधारित आहे. अधिक माहितीकरिता तज्ज्ञांचा सल्ला घ्यावा.)

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Skin Care Tips : तेलकट त्वचेवर करा ‘हे’ घरगुती उपाय; लगेच दिसेल फरक

संबंधित बातम्या

Diabetes Tips: मधुमेहाच्या रुग्णांसाठी मोठी बातमी! साखर खाणं सोडाच, पण या पदार्थांचं सेवन करणंही तितकच घातक
५ रुपयांचा कापूर तुमचे जीवनच बदलून टाकेल? काही लोकांनाच माहित आहेत याचे चमत्कारिक फायदे
पिस्त्याचे सेवन ‘या’ ५ त्रासांच्या वाढीला देते तुफान वेग; एका दिवसात किती व कसे पिस्ते खाणे आहे योग्य?
स्वयंपाकघरात असलेल्या ‘या’ ४ आयुर्वेदिक गोष्टींमुळे मधुमेह सुरू होण्यापूर्वीच थांबतो, रक्तातील साखरही वाढत नाही!
दुपारच्या वेळी झोप घेणे आरोग्यासाठी वाईट आहे का? जाणून घ्या तज्ज्ञ काय सांगतात

व्हिडिओ

ताज्या बातम्या
IND vs BAN: “केएल राहुल हा पर्याय असू…” भारताचा माजी कसोटी क्रिकेटपटूने कर्णधारपदावर केली खरपूस टीका
ओठ कोरडे पडलेत? हे वाचा…
मुंबई: ‘मेट्रो २ ब’साठी २४ झाडांची कत्तल करणार; नानावटी रुग्णालय – वांद्रेदरम्यानच्या झाडांचा समावेश
आधी ‘हास्यजत्रा’ सोडलं, आता ‘फू बाई फू’लाही पॅडी कांबळेचा रामराम, कारण आले समोर
IPL 2023 New Rule: कोणताही विदेशी खेळाडू इम्पॅक्ट प्लेयर बनू शकत नाही, जाणून घ्या काय आहे नवीन अपडेट