Talcum Powder Hack Viral Video: आपलं सौंदर्य आणखी खुलवण्यासाठी मेकअपचा आधार घेण्यात येतो. मेकअपमध्ये इतर ब्युटी प्रॉडक्ट्सपेक्षा सर्वच जण वापरत असलेलं ब्युटी प्रॉडक्ट म्हणजे टाल्कम पावडर. टाल्कम पावडर हे सौंदर्यप्रसाधन अनेक दशकांपासून घराघरातून दिसत आहे. पण, चेहऱ्यावर पावडर लावणे याखेरीज त्याचे इतरही फायदे आहेत याची कल्पना फार थोड्या लोकांना असेल. टाल्कम पावडर चेहऱ्याला लावली जाते, हे आपणा सर्वांना माहीतच आहे. पण, तुम्ही कधी केस विंंचरण्यासाठी वापरण्यात येणाऱ्या कंगव्यावर टाल्कम पावडर लावून पाहिलेत का? नाही ना, मग एका गृहिणीने दाखविलेला अनोखा जुगाड करून पाहा.
गृहिणींकडे अनेक घरगुती युक्त्या असतात. दरम्यान, असाच एक जुगाड दाखविणारा अनोखा व्हिडीओ एका महिलेने शेअर केला आहे. हा व्हिडीओ सोशल मीडियावर प्रचंड व्हायरल होत आहे. केस विंंचरण्यासाठी आपण दररोज कंगव्याचा वापर करतो. काही घरांतील लोक एकाच कंगव्याने केस विंचरतात. वारंवार एकच कंगवा वापरल्याने कंगवा खराब होऊ शकतो. त्यामुळे कंगवा साफ करणे तितकेच गरजेचे आहे. कंगवा साफ करणे हे वेळखाऊ काम आहे; परंतु कंगवा कमी वेळात झटपट साफ करायचा असेल, तर महिलेने एक जुगाड दाखविला आहे. या पद्धतीने कंगवा लगेच साफ होईल, असे महिलेचे म्हणणे आहे. व्हायरल झालेला व्हिडीओ पाहून तुम्हीही विचारात पडाल.
नेमकं काय करायचं?
तुम्ही व्हिडीओ पाहिल्यावर तुमच्या लक्षात येईल की, गृहिणीने कंगवा घेतला आहे आणि त्यावर टाल्कम पावडर टाकली आहे. या जुगाडासाठी तुम्ही मुदत संपलेली टाल्कम पावडर वापरू शकता, अशी माहिती महिलेने दिली आहे. टाल्कम पावडर कंगव्यावर टाकल्यानंतर ब्रशच्या मदतीने कंगव्यावर घासून महिलेने कंगव्यातील घाण स्वच्छ केली आहे. पावडरच्या मदतीने तुमचा जुना, घाणेरडा कंगवा काही मिनिटांत नव्यासारखा दिसून येईल, असे महिलेचे म्हणणे आहे.
चेहऱ्याची पावडर कंगव्यावर लावताच झाला चमत्कार; VIDEO पाहून थक्क व्हाल!
येथे पाहा व्हिडीओ
Amey Trendy tips या यूट्यूब चॅनेलवर हा व्हिडीओ पोस्ट करण्यात आला आहे. हा जुगाड तुम्हीही नक्की ट्राय करून पाहा आणि खरंच याचा फायदा तुम्हाला झाला का, हे आम्हाला कमेंट करून कळवा.
(Disclaimer: या लेखात देण्यात आलेली माहिती सोशल मीडियावरील व्हायरल झालेल्या व्हिडीओवर आधारित आहे. लोकसत्ता याची पुष्टी करीत नाही.)