Chandrakant Khire Criticized abdul sattar after alligation of tet scam spb 94 | Loksatta

टीईटी घोटाळ्यातील आरोपांवरून चंद्रकांत खैरेंचा अब्दुल सत्तारांना खोचक टोला; म्हणाले, “सत्तारांनी आता…”

शिक्षक पात्रता परीक्षेत (टीईटी) घोटाळा झाला असून त्यात अब्दुल सत्तार यांच्या दोन्ही मुलींची प्रमाणपत्र रद्द करण्यात आल्याची माहिती आहे.

टीईटी घोटाळ्यातील आरोपांवरून चंद्रकांत खैरेंचा अब्दुल सत्तारांना खोचक टोला; म्हणाले, “सत्तारांनी आता…”
संग्रहित

शिक्षक पात्रता परीक्षेत (टीईटी) घोटाळा झाला असून त्यात अब्दुल सत्तार यांच्या दोन्ही मुलींची प्रमाणपत्र रद्द करण्यात आल्याची माहिती आहे. सत्ताधारी शिंदे गटातील एका आमदाराचं नाव भ्रष्टाचार प्रकरणात समोर आल्यामुळे त्यावरून मोठी चर्चा सुरू आहे. यावरून शिवसेनेचे माजी खासदार चंद्रकांत खैरे यांनी अब्दुल सत्तार यांना खोचक टोला लगावला आहे. “सत्तारांनी आता शांत राहवं, उगाच बडबड करू नये”, असे ते म्हणाले.

काय म्हणाले चंद्रकांत खैरे?

“टीईटी घोटाळ्यासंदर्भात मी त्यांची आताच मुलाखत पाहिली. त्यांच्या अनेक शाळा आहेत. या घोटाळ्याची चौकशी केंद्रीय अधिकाऱ्यांनी केली आहे. ही चौकशी करतच ते सिल्लोडपर्यंत पोहोचले आहेत. महत्त्वाचं म्हणजे ही शाळा त्यांचीच आहेत. त्यामुळे फक्त त्यांच्याच मुलींचे नावं आहेत, की आणखी मुलींचा समावेश आहे, याची चौकशी व्हायला पाहिजे”, अशी मागणी शिवसेनेचे माजी खासदार चंद्रकांत खैरे यांनी केली आहे. तसेच भष्ट्राचाराचे आरोप असतानाही शिंदे-फडणवीस सरकारमध्ये त्यांना मंत्री करण्यात येईल का, असा प्रश्नही त्यांनी मुख्यमंत्री एकनाथ शिंदे यांना विचारला आहे.

हेही वाचा – “माझ्या परिवाराची चूक असेल तर मी गुन्हेगार आहे, नाहीतर…”, टीईटी घोटाळा प्रकरणी अब्दुल सत्तारांचं स्पष्टीकरण!

“सत्तारांनी बडबड करू नये”

“माझ्याकडे एकूण १६ वृत्त पत्र येतात. मी त्यातील कात्रण काढून ठेवत असतो. अब्दुल सत्तारांच्या घोटाळ्याचीही कात्रणे मी काढून ठेवली आहेत. त्याची संपूर्ण फाईल माझ्याकडे आहे. त्यामुळे माझं त्यांना एवढंच सांगणं आहे, की त्यांनी आता उगाच बडबड करू नये. आता त्यांनी शांत राहावं. जे चौकशीत पुढे यायचं ते येईलच”, अशी प्रतिक्रिया चंद्राकांत खैरेंनी दिली आहे.

“अब्दुल सत्तार यांची तक्रार करणारे भरपूर जणं माझ्याकडे येत आहेत. जिल्हा सत्र न्यायालयात त्यांची अनेक प्रकरणं सुरू आहेत. त्यांनी जे शिवसेनेचे कार्यालय बांधले आहेत. ती जागा सुद्धा एका मुस्लीम बांधवाची आहे. ती जागा अब्दुल सत्तार यांनी ताब्यात घेतली आहे. त्या व्यक्तीनेही माझ्याकडे तक्रार दाखल केली आहे. एक बोट दुसऱ्याकडे दाखवलं तर बाकी बोट आपल्याकडे असतात, हे त्यांनी लक्षात ठेवावं”, असंही ते म्हणाले.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“महाराष्ट्राला भरघोस निधी मिळणार”; नीति आयोगाच्या बैठकीनंतर मुख्यमंत्र्यांनी केलं स्पष्ट

संबंधित बातम्या

VIDEO: भाषण करताना स्टुलवर उभे राहिल्याने मनसेची टीका, सुषमा अंधारेंचं प्रत्युत्तर, म्हणाल्या, “माझ्या पायाखाली…”
VIDEO: “शेळीने उंटाचा मुका…”, ‘सभा उधळून लावू’ म्हणणाऱ्या मनसे नेत्याला सुषमा अंधारेंचं प्रत्युत्तर
Maharashtra Karnataka Dispute : शरद पवारांच्या ४८ तासांच्या अल्टिमेटमवर देवेंद्र फडणवीसांची प्रतिक्रिया, म्हणाले…
VIDEO: ‘अपना एक स्टाईल है, इलाका तुम्हारा और धमाका हमारा’, मनसेच्या इशाऱ्यावर सुषमा अंधारेंचं प्रत्युत्तर, म्हणाल्या…
प्रकाश आंबेडकरांना महाविकास आघाडीत घेणार का? अजित पवारांनी स्पष्ट केली भूमिका; म्हणाले “उद्धव ठाकरेंनी…”

व्हिडिओ

ताज्या बातम्या
नोटाबंदीबाबत मूकदर्शक बनणार नाही!; सर्वोच्च न्यायालयाने रिझव्‍‌र्ह बँकेला सुनावले
गोवर लसीकरण मोहीम दोन टप्प्यांत
महाराष्ट्र-कर्नाटक एसटी सेवा तूर्तास बंद; ६६० बस फेऱ्यांवर परिणाम
मुंबईतील हवा ‘अत्यंत वाईट’; धुरक्याच्या प्रमाणात वाढ
चार वर्षांचा पदवी अभ्यासक्रम नव्या शैक्षणिक वर्षांपासून; उच्च आणि तंत्रशिक्षण विभागाचे निर्देश