दत्ता मेघे यांचा भाजपमध्ये प्रवेश

विदर्भातील काँग्रेसचे ज्येष्ठ नेते आणि माजी खासदार दत्ता मेघे यांनी शनिवारी भाजपमध्ये प्रवेश केला. गेल्या अनेक दिवसांपासून दत्ता मेघे भाजपच्या वाटेवर असल्याचे सांगण्यात येत होते. अखेर वर्ध्यातील मेळाव्यात भाजपचे केंद्रीय नेते नितीन गडकरी आणि महाराष्ट्र प्रदेशाध्यक्ष देवेंद्र फडणवीस यांच्या उपस्थितीत दत्ता मेघे यांनी भाजपमध्ये प्रवेश केला. यावेळी सागर मेघे आणि समीर मेघे या त्यांच्या दोन्ही मुलांनीदेखील भाजपमध्ये जाहीर प्रवेश केला.