VHP on Garba Check Aadhar card at Garba venue do not allow non Hindus Vishwa Hindu Parishad msr 87 | Loksatta

VHP on Garba : गरबाच्या ठिकाणी आधार कार्ड तपासा, गैरहिंदूंना प्रवेश देऊ नका – विश्व हिंदू परिषद

ज्यांची देवीवर श्रद्धाच नाही, जे देवीला मानतच नाहीत त्यांनी गरबामध्ये यावच कशाला? असा सवालही उपस्थित केला आहे.

VHP on Garba : गरबाच्या ठिकाणी आधार कार्ड तपासा, गैरहिंदूंना प्रवेश देऊ नका – विश्व हिंदू परिषद
(संग्रहित छायाचित्र)

राज्यात नवरात्र उत्सवास आज(सोमवार) पासून सुरुवात झाली आहे. या उत्सव कालावधीत दररोज रात्री गरबा खेळण्याची देखील परंपरा आहे. दररोज रात्री राज्यभरात अनेक ठिकाणी गरबा खेळला जातो. गरबा खेळण्यासाठी तरूण-तरूणी, महिला-पुरुषांची मोठ्यासंख्येने उपस्थिती असते. विविध नवरात्र उत्सव मंडळांकडून मोठ्याप्रमाणावर गरबा कार्यक्रम आयोजित केले जातात. आता याच पार्श्वभूमीवर विश्व हिंदू परिषदेने “गरबा खेळण्यास येणाऱ्यांचे आधार कार्ड तपासा आणि गैरहिंदूंना गरबाच्या ठिकाणी प्रवेश देऊ नका.” अशी मागणी केली आहे.

या संदर्भात विश्व हिंदू परिषदेचे विदर्भ प्रांत प्रमुख गोविंद शेंडे यांनी एबीपी माझाशी बोलताना सांगितले की “दरवर्षी संपूर्ण देशभरात मोठ्याप्रमाणावर गरबा कार्यक्रमाचे आयोजन केले जाते. मुली, महिलांसह अनेक लोकांचा त्यामध्ये मोठा सहभागही असतो. गरबा म्हणजेच काय तर देवीला प्रसन्न करण्यासाठी आपण नृत्य करत असतो. याचा अर्थ असा होतो की त्या देवीवर माझी श्रद्धा आहे. तिला प्रसन्न करण्यासाठी, तिच्या प्रती समर्पण करण्यासाठी आणि तिचा आशीर्वाद प्राप्त करण्यासाठी हा गरबारूपी नृत्य करून आम्ही तिला प्रसन्न करत असतो. मात्र हे कोण करू शकतं? तर ज्याची श्रद्धा देवीवर आहे तोच हे करू शकतो. परंतु ज्याची श्रद्धाच या देवीवर नाही, देवीला जो मानत नाही, मूर्तीपूजा जो करत नाही. त्याने या गरबामध्ये यावच कशाला?”

नागपूर शहरात दोन वर्षानंतर नवरात्रोत्सवाला उत्साहात प्रारंभ ; रंगणार गरबा दांडियाचा खेळ

याचबरोबर “अनेक ठिकाणी बघितलं गेलं आहे की, गैरहिंदू अशी अनेक मुलं त्या ठिकाणी येतात आणि मग त्याचे दुष्परिणाम आम्हाला समाजात बघावे लागतात. लव्ह जिहादच्या घटना घडतात. प्रेमप्रसंग, छेडछेडीचे प्रकार यामुळे पालकांसाठी अडचणीची स्थिती निर्माण होते. समाजात तेढ निर्माण होते. या सगळ्या गोष्टींना रोखण्यासाठी गैरहिंदूंना तिथे प्रवेशच न द्यावा, अशी आमची मागणी आहे. अनेकजण नावं बदलून या ठिकाणी येतात आणि मुलींना फसवतात. पोलीस, स्थानिक प्रशासन आणि आयोजकांनी याकडे लक्ष द्यावे. आधार कार्ड तपासूनच गरबाच्या ठिकाणी प्रवेश दिला जावा. अशी मागणी आम्ही सर्व ठिकाणच्या पोलीस आयुक्तांकडे करणार आहोत.” अशी देखील माहिती यावेळी शेंडे यांनी दिली.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
संतोष बांगरांच्या धमकीनंतर शिवसेनेचं आव्हान, “हिंमत असेल तर…”

संबंधित बातम्या

‘नेभळट सरकार’ म्हणणाऱ्या उद्धव ठाकरेंना CM शिंदेंनी दिलं उत्तर, म्हणाले “मला आक्रमक, धाडसपणा शिकवू नका, ४० दिवस…”
“दादा तुम्हाला कुठून माईक खेचायला…”, पत्रकार परिषदेला पोहोचताच उद्धव ठाकरेंची अजित पवारांना विचारणा, जयंत पाटीलही लागले हसू
राज ठाकरेंकडून डॉ. बाबासाहेब आंबेडकरांना अभिवादन, म्हणाले “डॉ. आंबेडकर सर्वप्रथम मराठी समाजाला आणि मग…”
जे पोटात होतं ते ओठावर आलं; अजित पवारांच्या मनातले मुख्यमंत्री अजूनही उद्धव ठाकरेच, भर पत्रकार परिषदेत घडला किस्सा
कुराण, इस्लामचा संदर्भ देत सुषमा अंधारेंचा अब्दुल सत्तारांवर हल्लाबोल, म्हणाल्या “जर हिंदू असतील तर…”

व्हिडिओ

ताज्या बातम्या
महापरिनिर्वाण दिनी राज्यपालांकडून बाबासाहेबांना अभिवादन; म्हणाले, “बाबासाहेबांनी दिलेल्या संविधानामुळेच…”
अर्जुन कपूरशी लग्न आणि आई होण्याबाबत मलायकाने सोडलं मौन; म्हणाली, “या काल्पनिक गोष्टी…”
Morbi bridge Collapse: TMC चे प्रवक्ते साकेत गोखले यांना गुजरात पोलिसांकडून अटक, पक्षाच्या खासदाराचं ट्वीट
राणादा-पाठकबाईंच्या रिसेप्शन सोहळ्यात मुख्यमंत्री एकनाथ शिंदेंचा फोन आला अन्…; हार्दिक-अक्षयाच्या लग्नातील व्हिडीओ व्हायरल
प्रो कब्बडी लीग २०२२: माजी चॅम्पियन पटना पायरेट्सचा धुव्वा उडवत पुणेरी पलटण उपांत्य फेरीत